بۇگىن، 2 قاراشادا، الماتىداعى بيىك تاۋلى «مەدەۋ» مۇز ايدىنىندا جاپپاي سىرعاناۋ ماۋسىمى رەسمي تۇردە اشىلدى. اشىلۋعا ءبىر ساعات قالعاندا-اق، ەسىك ماڭىندا بالالار مەن ەرەسەكتەردىڭ ۇزىن-سونار كەزەگى پايدا بولدى.
العاشقى كەلۋشىلەر ءۇشىن اشىلۋ سالتاناتى ۇيىمداستىرىلدى.
«الماتىلىقتاردىڭ، تۇراقتى كەلۋشىلەردىڭ پىكىرى مەن ءوتىنىشىن ەسكەردىك. ءىس-شارالاردى ۇيىمداستىرۋعا جاۋاپتى بارلىق قىزمەت مۇز ايدىنىن تولىق دايىنداپ ۇلگەردى، قاجەتتى ينفراقۇرىلىم تولىعىمەن دايىن، قالا تۇرعىندارىنىڭ ۋاقىتىن وسىندا وتكىزەتىنىنە قۋانىشتىمىز»، - دەدى سپورت نىساندارى ديرەكسياسىنىڭ وكىلى ولجاس ەرشەيەۆ.
ساناۋلى مينۋتتا كۇش-قۋات الىپ، ۋاقىتىن پايدالى وتكىزۋگە اسىققان ادامدار ايدىنعا لىق تولدى.
سونىمەن قاتار، كەلۋشىلەر ءۇشىن قازاقستاندىق ەسترادا جۇلدىزدارىنىڭ كونسەرتى ۇيىمداستىرىلدى.
جاڭا ماۋسىمدا قوناقتاردى كۇندەلىكتى جاپپاي سىرعاناۋ، مەرەكەلىك ءىس-شارالار جانە سپورتتىق جارىستار كۇتەدى. كەلۋشىلەر كونكيدى جالعا الىپ، دەمالىس ايماعىن پايدالانا الادى. قوناقتاردىڭ ىڭعايى ءۇشىن مۇز ايدىنى اۋماعىندا جىلدام تاماقتانۋ ورىندارى دا ۇيىمداستىرىلادى.