الماتىدا «مەدەۋ-شىمبۇلاق» جولىنىڭ وتكىزۋ رەجيمى بەكىتىلىپ، جاياۋ جۇرگىنشىلەر مەن اۆتوموبيل قوزعالىسى ءالى دە شەكتەلەدى، دەپ حابارلايدى Almaty-akshamy.kz
اعىمداعى جىلدىڭ 25 قازانىنان باستاپ «مەدەۋ-شىمبۇلاق» جولىندا وسى كوكتەمدە قۇلاعان تاستاردىڭ زارداپتارىن جويۋ جۇمىستارى جۇرگىزىلگەن بولاتىن. وسىعان بايلانىستى «مەدەۋ-شىمبۇلاق» اۆتوجولىندا وتكىزۋ رەجيمى بەكىتىلگەن ەدى. *جاياۋ جۇرگىنشىلەرگە جولدان وتۋگە قاتاڭ تىيىم سالىنادى. سونىمەن قاتار، ستۋدەنتتىك سوقپاق ارقىلى جاياۋ سەرۋەندەۋگە بولادى.
ەلەكتروموبيل جانە تاكسي جۇرگىزۋشىلەرىنە ساعات 09:00-گە دەيىن جانە ساعات 18:00-دەن كەيىن كىرۋگە رۇقسات ەتىلەدى. 13:00-دەن 14:00-گە دەيىنگى كەزەڭدە تەك تەحنيكالىق قىزمەتتەردىڭ ارنايى كولىگىنە كىرۋگە رۇقسات ەتىلەدى. قوزعالىستى شەكتەۋدىڭ بەلگىلەنگەن كەستەسى اعىمداعى جىلدىڭ 1 جەلتوقسانىنا دەيىن جالعاسادى. ونىڭ وزگەرگەنى تۋرالى قوسىمشا حابارلانادى.
جوبا اياسىندا تاستاردى ءتۇسىرۋ جانە كەدەرگىلەردى تازارتۋ جۇمىستارى جۇرگىزىلۋدە. جۇمىستىڭ نەگىزگى تۇرلەرى (بەتكەيلەردى بۇرعىلاۋ جانە نىعايتۋ) كەلەسى جىلعا جوسپارلانعان.
بۇدان باسقا، 2024 جىلدىڭ كوكتەمىندە نوسەر جۇيەسىن سالۋ جانە جول توسەمىن جوندەۋ جۇمىستارىن جۇرگىزۋ جوسپارلانۋدا.
بارلىق تۋريستەر مەن تۇرعىنداردان وتۋگە بولاتىن جولداردا اباي بولۋدى سۇرايمىز