مەدەۋدەگى ICE Party: الماتىنىڭ 1000-نان استام جاستارى ستۋدەنتتەر كۇنىن اتاپ ءوتتى، دەپ حابارلايدى aqshamnews.kz
17 قاراشا مەدەۋ مۇز ايدىنىندا حالىقارالىق ستۋدەنتتەر كۇنىنە ارنالعان ICE Party ءوتتى. الماتى قالاسى جاستار ساياساتى باسقارماسىنىڭ قولداۋىمەن ۇيىمداستىرىلعان بۇل ءىس-شارا «Almaty Student’s Week» اپتالىعى اياسىندا ءوتىپ، قالاداعى 1000-نان استام جوعارى وقۋ ورنىنىڭ ستۋدەنتتەرىن بىرىكتىردى.
مەرەكەلىك كەشتە ستۋدەنتتەر ءۇشىن مۇز ۇستىندە قىزىقتى كونكۋرستار، ينتەراكتيۆتى ويىندار جانە فلەشموب ۇيىمداستىرىلدى. شارا بارىسىندا جاس ونەرپازدار ونەر كورسەتىپ، كورەرمەندەرگە ەرەكشە كوڭىل-كۇي سىيلادى. سونىمەن قاتار، ۇيىمداستىرۋشىلار ستۋدەنتتەرگە تەگىن ىستىق ءشاي مەن تىسكەباسارلار تاراتتى.
"ستۋدەنتتىك ءومىر – بۇل باتىل شەشىمدەر مەن جاڭا مۇمكىندىكتەر كەزەڭى. مۇنداي ءىس-شارالار ستۋدەنتتەردىڭ بىرلىگىن نىعايتىپ، ورتانى كەنەيتۋگە كومەكتەسەدى. الماتى جاستارىنىڭ قالا ومىرىنە بەلسەندى اتسالىسىپ جاتقانى قۋانتادى، ءبىز ولاردى ءاردايىم قولداۋعا دايىنبىز. بارشا الماتى قالاسى ستۋدەنتتەرىن مەرەكەلەرىمەن شىن جۇرەكتەن قۇتتىقتايمىن"، - دەدى الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.
ايتا كەتەيىك، «Almaty Student’s Week» اپتالىعى اياسىندا قالامىزدا 30 ءتۇرلى فورماتتاعى ءىس-شارالار ءوتتى.