16 شىلدەنى كۇنى مەدەۋ جانە بوستاندىق اۋداندارىنىڭ كەي اۋماقتارىندا سۋىق سۋ بولمايدى. «الماتى سۋ» باسپا ءسوز قىزمەتى مەگاپوليستىڭ سۋمەن جابدىقتاۋ جەلىلەرىندە پروفيلاكتيكالىق جۇمىستار جوسپارلانعانىن ءمالىم ەتتى، دەپ حابارلايدى اlmaty-akshamy.kz.
مەكەمە 16 شىلدە ساعات 09:00-دەن 21:00-گە دەيىن قالانىڭ كەيبىر اۋدانىندا سۋىق سۋمەن جابدىقتاۋ شەكتەلەتىنىن ەسكەرتەدى.
سۋمەن جابدىقتاۋ شەكتەلەتىن اۋماقتار:
- مەدەۋ اۋدانى: دوستىق داڭعىلى - قاجى مۇقان كوشەسى – نازاربايەۆ داڭعىلى – ساتبايەۆ كوشەسى، سامال شاعىن اۋدانى-1،2،3.
- بوستاندىق اۋدانى: ءال-فارابي داڭعىلى – باتىس جەلتوقسان كوشەسى - گاندي كوشەسى – نازاربايەۆ داڭعىلى.
- جۇمىستان كەيىن سۋدىڭ ساپاسى ۋاقىتشا وزگەرۋى مۇمكىن. سۋ قۇبىرى جەلىلەرى تولىق شايىلىپ كەتكەنگە دەيىن كىر جۋعىش/ىدىس جۋعىش ماشينالار مەن وزگە دە قۇرىلعىلاردى پايدالانباعان ءجون، - دەپ حابارلايدى «الماتى سۋ» مكك.