بيىل III توقساندا الماتىداعى «دۋمان» شاعىن اۋدانىندا 5،5 كم سۋ قۇبىرى مەن 8،5 كم كارىز جەلىسى سالىنادى.
بۇل تۋرالى اكىم ەربولات دوسايەۆ حالىقپەن كەزدەسۋدە ايتتى، دەپ حابارلايدى Almaty-akshamy.kz7
ءساۋىر ايىندا جالپى ۇزىندىعى 46 كم سۋ قۇبىرى جانە كارىز جەلىسىنىڭ قۇرىلىسى باستالدى. «كولساي»، «كەڭساي» شاعىن اۋداندارىندا جانە حاليۋللين كوشەسىندەگى جۇمىستاردى اياقتاۋ قازان ايىنا جوسپارلانعان. ال «كومپوت» شاعىن اۋدانىندا جۇمىستار بيىل شىلدەدە باستالىپ، 2024 جىلدىڭ شىلدەسىندە اياقتالادى.
«الاتاۋ»، «اتىراۋ» شاعىن اۋداندارى مەن 32 كوشە بويىنشا (شىعىس اينالما اۆتوجولى، حاليۋللين، تايىروۆ، شاقشاق جانىبەك بولىگىندە) سۋمەن قامتۋ جانە كارىز جەلىلەرىن سالۋ ءۇشىن جوبالاۋ-سمەتالىق قۇجاتتاما ازىرلەۋگە بايقاۋ جاريالاندى. جوبالاۋ-سمەتالىق قۇجاتتامانى اياقتاۋ جەلتوقسان ايىنا جوسپارلانعان»، - دەدى اكىم.
سونىڭ ناتيجەسىندە 2025 جىلدىڭ سوڭىنا دەيىن 55 مىڭ تۇرعىن ساپالى سۋمەن جانە كارىز جەلىسىمەن قامتاماسىز ەتىلەدى.