قالا اكىمى مەدەۋ اۋدانىنىڭ تۇرعىندارىمەن كەزدەستى.
الماتى اكىمى ەربولات دوسايەۆ مەدەۋ اۋدانىنداعى ساپالى اۋىز سۋمەن كاناليزاسيا ماسەلەسى قالاي شەىلەتىنىن ايتتى، دەپ حابارلايدى Almaty-akshamy.kz.
«وتكەن كەزدەسۋدە سىزدەر مەدەۋ اۋدانىندا حالىقتى ساپالى اۋىز سۋمەن جانە كاناليزاسيامەن قامتاماسىز ەتۋ ماسەلەلەرىن كوتەرگەن بولاتىنسىزدار. بىرىنشىدەن، "دۋمان" ىقشاماۋدانىندا سورعى ستانسياسى مەن كولەمى 1800 تەكشە مەتر بولاتىن 2 رەزەرۆۋار قايتا جاڭعىرتىلۋدا. جۇمىستى اعىمداعى جىلدىڭ سوڭىنا دەيىن اياقتاۋدى جوسپارلاپ وتىرمىز»،- دەدى قالا باسشىسى مەدەۋ اۋدانىنىڭ تۇرعىندارىمەن كەزدەسۋ بارىسىندا.
اكىمنىڭ ايتۋىنشا، اعىمداعى جىلدىڭ قاراشا ايىندا يۋبيلەينىي (265 ابونەنت) ىقشاماۋدانىندا 1،2 كم كاناليزاسيا جەلىلەرىن قايتا جاڭعىرتۋ، سونداي-اق ءۇش كوشە (گورنايا كوشەسى، باتۋرين كوشەسى جانە بەگالين كوشەسى، 129 ابونەنتتى قامتيدى) بويىنشا 1،4 كم سۋ قۇبىرى جەلىسىنىڭ جۇمىستارى اياقتالادى. بۇل جۇمىستار كوككيناكي، لۋگانسكيي جانە ەلەبەكوۆ كوشەلەرىندە جالعاسىپ، 2023 جىلدىڭ ءىى توقسانىندا اياقتالادى.
"كەڭساي" ىقشاماۋدانىندا سۋ قۇبىرى جانە كاناليزاسيا جەلىلەرىن سالۋ جوباسى بويىنشا كونكۋرس وتكىزىلىپ، مەردىگەر انىقتالدى. قۇرىلىس-مونتاج جۇمىستارىنىڭ باستالۋى 2023 جىلدىڭ كوكتەمىنە جوسپارلانعان. "كامەنسكوە پلاتو" ىقشاماۋدانىندا سۋمەن جابدىقتاۋ جانە سۋ بۇرۋ جەلىلەرىنىڭ جوقتىعىنا قاتىستى ماسەلەلەردى شەشۋ ءۇشىن زەرتتەۋ جۇرگىزىلدى، ونىڭ ناتيجەلەرى بويىنشا قازىرگى جوبانى قۇرىلىس ماتەريالدارىنىڭ قىمباتتاۋىنا، سونداي-اق تاۋلى جەرلەردىڭ كۇردەلى رەلەفىنە بايلانىستى سۋ قۇبىرى جانە كاناليزاسيا جەلىلەرىن سالۋ بويىنشا تۇزەتۋگە جىبەرۋ تۋرالى شەشىم قابىلداندى. قۇرىلىستى 2023 جىلدىڭ كوكتەمىندە باستاۋدى جوسپارلاپ وتىرمىز»،- دەدى ەربولات دوسايەۆ.
سۋ كوزىمەن قامتاماسىز ەتۋ ءۇشىن "مۇزتاۋ" جانە "كولساي" ىقشاماۋداندارىندا «بالقاش» جبق-دا نس-2 كەڭەيتۋ جوباسىن ازىرلەۋدە. سونداي-اق "مۇزتاۋ" مەن "كولساي" ىقشاماۋدان جالپى ۇزىندىعى 3،8 كم قۇرايتىن ماگيسترالدى سۋ قۇبىرى جەلىسىن قوساتىن قۇرىلىستىڭ جسق ازىرلەنۋدە، قۇرىلىس-مونتاجداۋ جۇمىستارىنىڭ باستالۋى 2023 جىلدىڭ II توقسانىنا جوسپارلانعان.
«قوسىمشا، اعىمداعى جىلدىڭ سوڭىنا دەيىن "سۇلۋساي" ىقشاماۋدانداعى سۋمەن جابدىقتاۋ جەلىلەرىنىڭ قۇرىلىسىنا جانە 2 ۇڭعىمانى بۇرعىلاۋعا جسق ازىرلەۋ اياقتالادى. قمج-عا كەلەسى جىلدىڭ كوكتەمىندە كىرىسۋدى جوسپارلاپ وتىرمىز»،- دەدى اكىم.