كوكتوبەدەگى سوڭعى ايالدامادا وماروۆ كوشەسىندە «ءالماتى-بىزدىڭ ورتاق ءۇيىمىز» ەكوكامپانياسى اياسىندا «قاسبەتتەن قاسبەتكە دەيىن» كەشەندى تازالاۋ جۇمىستارى جۇرگىزىلدى. اۋماقتى تازارتۋ ءۇشىن 20 جۇمىسشى مەن 10 ارنايى تەحنيكا تارتىلدى، دەپ حابارلايدى aqshamnews.kz
«قازىرگى ۋاقىتتا باستى كوشەلەر بويىندا ساياباقتار، گۇلزارلار، جاياۋ جۇرگىنشىلەر جولدارى مەن كانال جۇيەلەرى جابدىقتالۋدا. كوكتەمگى اباتتاندىرۋ جۇمىستارىنىڭ ءبىر باعىتى-جولداردى جوندەۋ. ەندى شۇڭقىرلاردى جوندەۋ باستالدى، كيۋۆەتتەر مەن شەكارالار قالپىنا كەلتىرىلۋدە. ءبىزدىڭ ماقساتىمىز-اۋدان تۇرعىندارىن تازا، ادەمى جانە جايلى ورتامەن قامتاماسىز ەتۋ. قالا تۇرعىندارىن وسى اكسياعا بەلسەندى قاتىسۋعا شاقىرامىز!»، - دەدى مەدەۋ اۋدانى اكىمى اپپاراتىنىڭ اباتتاندىرۋ ءبولىمىنىڭ باسشىسى ابىلاي ماكەي.
ايتا كەتەيىك، مەدەۋ اۋدانىندا جالپى ۇزىندىعى 3000 شاقىرىم بولاتىن 480 كوشە بار. اۋدان كوشەلەرىن جيناۋعا 200-گە جۋىق جۇمىسشى مەن 80 ارنايى تەحنيكا جۇمىلدىرىلدى.
قالانىڭ تازالىعىنا بەي-جاي قارامايتىن الماتىلىقتاردىڭ اراسىندا ەرىكتىلەر دە بار. مىسالى، سەرگەي ستاتيەۆ بىرنەشە جىلدان بەرى ۆولونتەرلىك وتريادتارمەن بىرگە كوكتەم مەن جاز ايلارىندا قالانى تازارتۋعا قاتىسىپ كەلەدى.
«مەن ءارقاشان تازالىقتى جاقتايمىن. قالا تازا بولعان كەزدە كوز قۋانىپ، كوڭىل-كۇي كوتەرىلەدى. سوندىقتان مەن دوستارىممەن سەنبىلىككە ءجيى بارامىن. بۇگىن كوممۋنالدىق قىزمەتكەرلەردىڭ جۇمىسى قۋانتتى، ولار قالانى ودان دا ادەمى ەتۋگە كومەكتەسەدى جانە ادامدارعا ءتارتىپتى قالىپتاستىرادى»، - دەدى ول.
ەستەرىڭىزگە سالا كەتەيىك، 1 ناۋرىزدان 1 ساۋىرگە دەيىن الماتىدا «تازا قازاقستان» رەسپۋبليكالىق باعدارلاماسى اياسىندا «الماتى – ءبىزدىڭ ورتاق ءۇيىمىز" اۋقىمدى ەكولوگيالىق ناۋقانى وتكىزىلەدى. ناۋقان ءتورت كەزەڭگە بولىنگەن:
* «تازا كوشەلەر» (1-9 ناۋرىز) - ايالدامالاردى، جول بەلگىلەرىن جيناۋ، قوقىس جاشىكتەرىن ورناتۋ، ماگيسترالداردى اباتتاندىرۋ؛
* «تازا ساياباقتار، سكۆەرلەر مەن تاۋلار» (10-16 ناۋرىز) – تابيعي ايماقتارداعى سەنبىلىكتەر جانە قوقىس جيناۋ جۇمىستارى؛
* «تازا اۋلالار» (17-23 ناۋرىز) - اۋلا اۋماقتارىن، بالالار جانە سپورت الاڭدارىن، اباتتاندىرۋ ەلەمەنتتەرىن جيناۋ جانە سىرلاۋ، كوگالداندىرۋ، «ۇزدىك اۋلا/اۋلا سىپىرۋشى/الدىڭعىكونكۋرستارى»؛
* «ءبىزدىڭ قالا – ءبىزدىڭ ماقتانىشىمىز» (24 ناۋرىز – 1 ءساۋىر) – ەسكەرتكىشتەردى اباتتاندىرۋ جانە اعاشتاردى جاپپاي وتىرعىزۋ.