بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى مەدەۋ اۋدانى اكىمىنىڭ ورىنباسارى ايدوس نۇرلىبايەۆ تولىق ايتىپ بەردى.
سپيكەردىڭ مالىمەتىنشە، وتكەن جىلى «حالىق قاتىساتىن بيۋدجەت» باعدارلاماسى اياسىندا مەدەۋ اۋدانىندا 19 جوبا ىرىكتەلدى، دەپ حابارلايدى Almaty-akshamy.kz
ولاردىڭ ىشىندەگى ەڭ ءىرىسى – تىكساي وزەنىنىڭ جاعالاۋىن اباتتاندىرۋ بويىنشا 3 جوبا. بۇل جۇمىستار ءالى دە جالعاسۋدا.
«شاقشاق جانىبەك كوشەسىنەن تاتتىبەكوۆ كوشەسىنە دەيىن كىشى الماتى وزەنى بويىندا اعىمداعى جوندەۋ جۇمىستارى جۇرگىزىلۋدە. جۇمىستاردى اياقتاۋدىڭ بولجامدى مەرزىمى - اعىمداعى جىلدىڭ قىركۇيەك ايىنىڭ سوڭى. ەكولوگيا جانە قورشاعان ورتا باسقارماسىنىڭ جەلىسى بويىنشا ەسەنتاي وزەنىنىڭ سۋ بولگىشىنەن جاماقايەۆ كوشەسىنە دەيىن (1،2 كم) سۋ قورعاۋ بەلدەۋى ۋچاسكەسى بويىنشا جۇمىستار جانە الماتى حايۋاناتتار ساياباعىنداعى تازارتۋ قۇرىلىستارىن پايدالانا وتىرىپ، توعانداردى اباتتاندىرۋ جۇرگىزىلۋدە. جوبانى ىسكە اسىرۋ اياسىندا جاعالاۋدى بەكىتۋ، جاياۋ جۇرگىنشىلەر جولىن ورناتۋ جانە اباتتاندىرۋ جۇمىستارى اياقتالدى»، - دەپ حابارلادى ايدوس نۋرلىبايەۆ.
مەدەۋ اۋدانىنىڭ قۇرامىنا جاڭادان قوسىلعان اۋماقتار كىرگەنى بەلگىلى. "مۇزتاۋ"، "كولساي"، "سۇلۋساي"، "كەڭساي"، "دۋمان" شاعىناۋداندارىندا جانە كامەنسك ءۇستىرتىنىڭ تۇرعىن الابىندا سۋمەن جابدىقتاۋ جانە سۋ بۇرۋ جەلىلەرىنىڭ بولماۋى اۋدان ءۇشىن ۇلكەن ماسەلەلەرى بولىپ قالىپ وتىر.
ا. نۇرلىبايەۆتىڭ ايتۋىنشا، 2021 جىلى «مۇزتاۋ» جانە «كولساي» شاعىناۋداندارىندا 32 كم سۋمەن جابدىقتاۋ جانە سۋ بۇرۋ جەلىلەرى سالىندى.
وسى شاعىن اۋدانداردى سۋ كوزىمەن قامتاماسىز ەتۋ ءۇشىن بۇگىنگى كۇنى «بالقاش» سۋ جيناۋ ستانسياسىنا دەيىن قوساتىن ماگيسترالدىق جەلى جوباسىن ازىرلەۋ جۇرگىزىلۋدە. كەلەسى جىلدىڭ ءساۋىر ايىندا جۇمىستى باستاۋ جوسپارلانىپ وتىر.
«سۇلۋساي» شاعىناۋدانى بويىنشا - قازىرگى ۋاقىتتا «الماتى سۋ» مكك ۇڭعىمالاردى بۇرعىلاۋ ارقىلى ماگيسترالدىق سۋ قۇبىرى جانە كارىز جەلىلەرىن سالۋ بويىنشا جوباعا تۇزەتۋ جۇرگىزىلۋدە. قۇرىلىس-مونتاج جۇمىستارىنىڭ باستالۋى 2023 جىلعا جوسپارلانعان.
«كەڭساي» شاعىناۋدانىندا م.شوقاي جانە سارسەنبايەۆ كوشەلەرىندە سۋمەن جابدىقتاۋ جانە سۋ بۇرۋدىڭ ماگيسترالدىق جەلىلەرىن سالۋ بويىنشا جوبا ازىرلەندى. الايدا، باۋ-باقشا سەرىكتەستىكتەرىنىڭ تار كوشەلەرى جاعدايىندا جەتى مەترلىك ينجەنەرلىك ءدالىزدىڭ بولماۋىنا بايلانىستى تاراتۋ جەلىلەرىن سالۋ ءۇشىن مۇمكىندىك جوق. جوبانى ودان ءارى ىسكە اسىرۋ تۇرعىندارعا بايلانىستى. ءدالىزدى ۇسىنعان كەزدە ءبىر مەزگىلدە سۋمەن جابدىقتاۋ جانە كارىز جەلىلەرىن سالۋ جوسپارلانعان.
«كامەنسكوە پلاتو» شاعىناۋدانى ءىشىنارا ورتالىقتاندىرىلعان سۋمەن قامتاماسىز ەتىلگەن. سۋمەن جابدىقتاۋ جەلىلەرىن، رەزەرۆۋارلاردى جانە سورعى ستانسيالارىن سالۋ بويىنشا جوبا دايىن. ىسكە اسىرۋ جوباسى 2 كەزەڭدە ەسەپتەلگەن. ءبىرىنشى كەزەڭ بويىنشا - 3 الاڭدا رەزەرۆۋارلاردى سالۋ بويىنشا جۇمىستار 70%-عا ورىندالدى.
ەكىنشىسى بويىنشا ۇزىندىعى 15 كم بولاتىن سۋمەن جابدىقتاۋدىڭ تاراتۋشى ينجەنەرلىك جەلىلەرىنىڭ قۇرىلىسى قاراستىرىلۋدا، ءبىراق بۇل جەردە كەنساي شاعىن اۋدانىنداعىداي كوشەلەردىڭ تارلىعى ماسەلەسى تۋىنداۋىنا بايلانىستى جۇمىستار باستالعان جوق. كارىز بويىنشا مەردىگەرلىك ۇيىممەن شارت جاسالدى (ۇزىندىعى 13،4 كم). قازىرگى ۋاقىتتا جۇمىستار توقتاتىلدى، سەبەبى ءدالىز جوق.