جايلى قالالىق ورتانى دامىتۋ جۇمىستارى قارقىندى تۇردە جالعاسۋدا.
بۇل تۋرالى قالا اكىمى ەربولات دوسايەۆ مەدەۋ اۋدانى حالقىمەن وتكەن كەزدەسۋدە ايتتى، دەپ حابارلايدى Almaty-akshamy.kz.
اعىمداعى جوندەۋ اياسىندا 122 جوبانى ىسكە اسىرۋ جوسپارلانىپ جاتىر، ونىڭ ىشىندە 80 اۋلانى جابدىقتاۋ، 23 ءۇيدىڭ فاسادىن جاڭارتۋ، 13 جەرۇستى (شىعىس اينالما اۆتوجولى بويىنشا 8ء-ىن جوندەۋ) جانە جەراستى (5، ونىڭ ىشىندە 3ء-ۋىن گيدرووقشاۋلاۋ، 2ء-ۋىن جوندەۋ) جاياۋ جۇرگىنشىلەر وتكەلىن جوندەۋ، 4 اۆتوماتتى سۋارۋ جۇيەسىن رەكونسترۋكسيالاۋ جانە 2 قوعامدىق كەڭىستىكتى اباتتاندىرۋ جوسپارلانۋدا. اياقتالۋ مەرزىمى – وسى جىلدىڭ IVء-شى توقسانى.