مەدەۋ اۋدانى قالا اۋماعىنىڭ 37%-ىن الىپ جاتىر.
وڭىرلىك كوممۋنيكاسيالار قىزمەتىنىڭ بريفينگىندە ءسوز سويلەگەن مەدەۋ اۋدانى اكىمىنىڭ ورىنباسارى دانيار بىلقىلوۆتىڭ ايتۋىنشا، اۋدان الماتى قالاسىنىڭ ىسكەرلىك، مادەني جانە تۋريستىك ورتالىعى بولىپ تابىلادى.
«مەدەۋ اۋدانى قالامىزدىڭ ىسكەرلىك، مادەني جانە تۋريستىك ورتالىعى بولىپ سانالادى. اۋدان مەگاپوليستەگى تاۋار اينالىمىن قامتاماسىز ەتەدى - 24،5%. 7 ايدىڭ قورىتىندىسى بويىنشا بولشەك تاۋار اينالىمىنىڭ كولەمى 598،06 ملرد تەڭگەنى، كوتەرمە ساۋدا اينالىمىنىڭ كولەمى – 1 955،8 ملرد تەڭگەنى قۇرادى»، - دەپ دانيار بىلقىلوۆ ستاتيستيكالىق مالىمەتتەردى كەلتىردى.
بۇگىندە اۋدان قالا اۋماعىنىڭ 37% الىپ جاتىر (683 شارشى مەتردەن 253 شارشى مەترگە دەيىن)، مۇندا 225 مىڭنان استام ادام تۇرادى. اۋداندا ورتاشا جالاقى ورتاشا قالالىق جالاقىدان 25%-عا جوعارى (409،5 مىڭ تەڭگە، قالا بويىنشا ورتاشا-327،5 مىڭ تەڭگە).
"راحات"، "پوليگرافكومبينات"، "نوۆۋس پوليمەر"، «ءداۋىر» رپيك، ت.ب. سياقتى كاسىپورىندار اۋداننىڭ نەگىزگى ونەركاسىپتىك الەۋەتىن قۇرايدى، اعىمداعى جىلدىڭ قاڭتار-ماۋسىم قورىتىندىلارى بويىنشا وندىرىلگەن ونەركاسىپ ءونىمىنىڭ كولەمى 60،5 ملرد تەڭگەنى، نكي (ناقتى كولەم يندەكسى) – 89،1%-دى قۇرادى.
اۋداندا جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 30 مىڭنان اسادى (الماتى قالاسىنىڭ اۋداندارى بولىنىسىندە 4ء-شى ورىن).