قازاقستان وليمپيادا جۇلدەگەرلەرىنە ەڭ جوعارى تولەم بەرەتىن بەس ەلدىڭ قاتارىندا تۇر.
ۇلتتىق وليمپيادا كوميتەتتەرىنەن، CNBC سپورت قاۋىمداستىقتارى جيناعان اقپاراتتا ەلدەردىڭ جەڭىمپازدارعا قانشا تولەيتىنى كورسەتىلگەن، دەپ حابارلايدى aqshamnews.kz
قازاقستان وليمپيادا جۇلدەگەرلەرى ءۇشىن ەڭ ءىرى سىياقى تولەيتىن مەملەكەتتەردىڭ العاشقى بەستىگىندە تۇر. ەلىمىز وتكەن وليمپيادا ويىندارىنداعىداي ءوز چەمپيوندارىنا التىن مەدال ءۇشىن 250 مىڭ دوللار تولەيدى. بۇل سوما قازاقستاندى تولەم مولشەرى بويىنشا تمد ەلدەرى اراسىندا كوشباسشى ەتتى.
التىن مەدال يەلەرىنە ەڭ كوپ سىياقى بەرەتىن ەل – گونكونگ. بۇل مەملەكەت التىن العان سپورتشىلارعا 768 مىڭ دوللار ۋادە ەتكەن. گونكونگ سپورتشىلارى ەكى التىن مەن ەكى قولا جەڭىپ الدى.
ەكىنشى تۇرعان سينگاپۋر وليمپيادا جەڭىمپازدارىنا التىن ءۇشىن 745 مىڭ دوللار بەرەدى. الايدا، بۇل ويىنداردا سينگاپۋرلىق سپورتشىلار جالعىز قولانى قاناعات تۇتتى. جالعىز قولا مەدال يەسىنە 186 مىڭ دوللار تولەنەدى.
توكيو وليمپياداسىندا التىن ءۇشىن 746 مىڭ دوللار تولەگەن يندونەزيا بۇل جولعى سىياقىنا 300 مىڭ دوللارعا دەيىن قىسقارتقان.
271 مىڭ دوللار سىياقى تولەيتىن يزرايل رەيتينگتىڭ ءتورتىنشى ساتىسىندا تۇر.
ال التىن مەدال يگەرىنە 250 مىڭ دوللار بەرەتىن ءبىزدىڭ ەلىمىز وسى بەستىكتى اياقتايدى. بۇل رەيتينگتىڭ سوڭى بولعانمەن، ەلىمىزدىڭ سىياقى كورسەتكىشى تمد ەلدەرى اراسىندا كوش باستاپ تۇر.
