التىننىڭ جالپى سالماعى 124،2 كگ قۇرايدى.
وسى جىلدىڭ ماۋسىم ايىندا قازاقستاندىقتار ەكىنشى دەڭگەيلى بانكتەر مەن جەكەلەگەن بانكتىك ەمەس ايىرباستاۋ پۋنكتتەرىنەن جالپى سالماعى 124،2 كگ نەمەسە 3 188 قۇيما ساتىپ الدى، دەپ حابارلايدى Almaty-akshamy.kz.
قازاقستاننىڭ الماتى، نۇر-سۇلتان جانە اتىراۋ قالالارىنىڭ تۇرعىندارى اراسىندا التىن قۇيماعا دەگەن سۇرانىس جوعارى.
مامانداردىڭ ايتۋىنشا، التىن قۇيمالاردىڭ بەس ءتۇرى ۇسىنىلادى: 5، 10، 20، 50 جانە 100 گ. ساتىپ الۋشىلار اراسىندا ەڭ كوپ سۇرانىسقا يە بولعانى – 10 گرامدىق قۇيما. ونىڭ جالپى ساتىلىمداعى ۇلەسى 30% – 17 435 دانا. ودان كەيىن 100 گرامدىق قۇيما – 12 801 دانا (22%) جانە 20 گرامدىق قۇيما – 11 624 دانا (20%)، 5 گرامدىق قۇيما – 9 336 دانا (16%)، 50 گرامدىق قۇيما – 6 772 دانا (12%).
«التىن قۇيمالار سەنىمدى ينۆەستيسيالىق قۇرال بولا الادى. بانكتەر مەن بانكتىك ەمەس ايىرباستاۋ پۋنكتتەرىنىڭ كليەنتكە اقشاسىن تولەپ، قۇيمالاردى «كۇنبە-كۇن» ساتىپ الا الاتىن مۇمكىندىگى – التىن قۇيمالار نارىعىنىڭ وتىمدىلىگىن قامتاماسىز ەتۋدە نەگىزگى فاكتورعا اينالىپ وتىر»،– دەلىنگەن ۇلتتىق بانكتىڭ باسپا ءسوز قىزمەتىنىڭ حابارلاماسىندا.
حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوستى. باعدارلاما جۇزەگە اسقالى جالپى سالماعى 2،1 توننا 57 968 التىن قۇيما ساتىلدى.