ماۋلەن اشىمبايەۆ ۆالەنتينا ماتۆيەنكومەن كەزدەستى
قازاقستان پارلامەنتى سەناتىنىڭ ءتوراعاسى ماۋلەن اشىمبايەۆ ەلىمىزگە رەسمي ساپارمەن كەلگەن رەسەي فەدەرالدى جينالىسى فەدەراسيا كەڭەسىنىڭ ءتورايىمى ۆالەنتينا ماتۆيەنكومەن كەزدەستى، دەپ حابارلادى Almaty-akshamy.kz ق ر پارلامەنت سەناتى تاراتقان حابارعا سىلتەمە جاساپ.
كەزدەسۋدى اشقان ماۋلەن اشىمبايەۆ ەكى ەلدىڭ اراسىنداعى قارىم-قاتىناس تولىعىمەن ءححى عاسىرداعى تاتۋ كورشىلىك جانە وداقتاستىق تۋرالى شارتتىڭ قاعيدالارىنا سايكەس دامىپ كەلە جاتقانىن اتاپ ءوتتى.
«وتكەن جىلدار ىشىندە قوس ەلدىڭ اراسىندا ستراتەگيالىق سەرىكتەستىكتىڭ بەرىك ىرگەتاسى قالاندى. بۇعان، ەڭ الدىمەن، قازاقستان پرەزيدەنتى قاسىم-جومارت كەمەل ۇلى توقايەۆ پەن رەسەي پرەزيدەنتى ۆلاديمير ۆلاديميروۆيچ ءپۋتيننىڭ جەكە دوستىق جانە ءوزارا سەنىمگە نەگىزدەلگەن قاتىناسى زور ىقپالىن تيگىزۋدە. مەملەكەتارالىق بايلانىستى نىعايتۋعا قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازاربايەۆ تا باسا ءمان بەرىپ كەلەدى»، – دەدى ماۋلەن اشىمبايەۆ.
سەنات عيماراتىندا وتكەن كەزدەسۋدە سۇحباتتاسۋشىلار ەكىجاقتى ىنتىماقتاستىقتى ودان ءارى تەرەڭدەتۋگە قاتىستى ماڭىزدى ماسەلەلەردى كەڭىنەن تالقىلادى.
ءوز سوزىندە ۆالەنتينا ماتۆيەنكو ەكى ەل اراسىندا پارلامەنتارالىق ىنتىماقتاستىقتىڭ جوعارى دەڭگەيدە دامىپ كەلە جاتقانىنا نازار اۋداردى.
«ەلدەرىمىزدىڭ پارلامەنتارالىق ىنتىماقتاستىعىن نىعايتۋعا باسا ءمان بەرىپ كەلەمىز. وعان حالىقارالىق پارلامەنتتىك الاڭداردا، ونىڭ ىشىندە پارلامەنتارالىق اسسامبلەيالارداعى ءوزارا ءتيىمدى ءىس-قيمىلىمىز دالەل. وسى رەتتە قازاقستان دەلەگاسياسىنىڭ پارلامەنتارالىق اسسامبلەيالار قۇرامىنداعى ءتيىمدى جۇمىسىن ەرەكشە اتاپ وتكەن ءجون. قازاقستاندىق ساراپشىلار مودەلدىك زاڭ جوبالارىن ازىرلەۋگە، مونيتورينگ ميسسياسىنا جانە تمد پارلامەنتارالىق اسسامبلەياسى كوميسسياسىنىڭ جۇمىسىنا بەلسەندى قاتىسىپ كەلەدى»، – دەدى ۆالەنتينا ماتۆيەنكو.
سونىمەن قاتار ءىس-شارا بارىسىندا قازاقستان مەن رەسەيدىڭ كوپجوسپارلى قارىم-قاتىناسىن زاڭنامالىق تۇرعىدان قولداۋدىڭ ماڭىزدى ەكەنى ايتىلدى. ودان بولەك، تاراپتار پاندەميامەن كۇرەس كەزىندە ەكى ەلدە قابىلدانعان شارالارعا توقتالىپ ءوتتى. سونداي-اق، ساۋدا-ەكونوميكالىق، مادەني-گۋمانيتارلىق جانە تاعى باسقا سالالار بويىنشا بايلانىستى ارتتىرۋ ماسەلەلەرى ءسوز بولدى.
كەزدەسۋدە پارلامەنتارالىق ىنتىماقتاستىقتى نىعايتۋ ماسەلەسىنە ەرەكشە ەكپىن بەرىلدى. ماۋلەن اشىمبايەۆ ەكولوگيا، سيفرلىق دامۋ، عىلىم جانە تاعى باسقا باعىتتار بويىنشا بىرلەسكەن شارالاردى تالقىلاۋ جانە ىسكە اسىرۋ ءۇشىن پالاتالار اراسىنداعى ءوزارا ءىس-قيمىلدى ارتتىرۋدى ۇسىندى.
«ءبىز پارلامەنتارالىق ىنتىماقتاستىعىمىزدى ناقتى ىستەر ارقىلى دامىتۋعا دايىنبىز. ساپار اياسىندا كوتەرىلەتىن ماسەلەلەردىڭ ءبارى ەكى ەلدىڭ بايلانىسىن ارتتىرۋ ءۇشىن اسا ماڭىزدى»، – دەدى سەنات ءتوراعاسى.
ماۋلەن اشىمبايەۆ قازاقستان سەناتى اگروونەركاسىپ كەشەنىن وركەندەتۋدى زاڭنامالىق تۇرعىدان قامتاماسىز ەتۋ ماسەلەسىندە دە تاجىريبە الماسۋعا مۇددەلى ەكەنىن جەتكىزدى. ونىڭ ايتۋىنشا، ەلىمىزدىڭ ەكونوميكالىق دامۋىندا اگروونەركاسىپتىك كەشەننىڭ الەۋەتى زور. سوندىقتان قازاقستاندىق سەناتورلار بۇل سالاعا باسىمدىق بەرىپ وتىر.
سونداي-اق سەنات سپيكەرى ءبىلىم جانە عىلىم سالاسىن جەتىلدىرۋدى زاڭنامالىق قولداۋدا بىرلەسىپ جۇمىس ىستەۋدىڭ ءوزارا ءتيىمدى ەكەنىن تىلگە تيەك ەتتى.
«قازىرگى تاڭدا عىلىم ەكونوميكالىق ءوسىم مەن مەملەكەت دامۋىنىڭ نەگىزگى فاكتورلارىنىڭ بىرىنە اينالىپ وتىر. عىلىمي زەرتتەۋلەردىڭ قولدانبالى ناتيجەسىن ارتتىرۋ ماڭىزدى مىندەت بولىپ سانالادى. سوعان بايلانىستى قازاقستان سەناتى "عىلىم تۋرالى" زاڭعا وزگەرىستەر ەنگىزۋ جانە نورمالاردى جەتىلدىرۋ ءۇشىن جۇمىس جۇرگىزۋدە. وسى ماسەلەدە سالالىق كوميتەت دەپۋتاتتارىنىڭ رەسەيلىك ارىپتەستەرىمەن ءوزارا تاجىريبە الماسۋىنىڭ ماڭىزى زور»، – دەدى ماۋلەن اشىمبايەۆ.
سەنات ءتواراعاسى وسى ماقساتپەن ءتيىستى كوميتەتتەردىڭ بىرلەسكەن ونلاين-وتىرىستارىن ۇيىمداستىرۋدى جانە ساراپتامالىق-تالدامالىق سالادا تاجىريبە الماسۋدى جۇيەلى جولعا قويۋدىڭ بەرەرى مول ەكەنىن دە اتاپ ءوتتى.
ايتا كەتەيىك، ەرتەڭ رەسەي دەپۋتاتتارىنىڭ رەسمي ساپارى اياسىندا قازاقستان پارلامەنتى سەناتى مەن رەسەي فەدەرالدى جينالىسىنىڭ فەدەراسيا كەڭەسى اراسىنداعى ىنتىماقتاستىق جونىندەگى كوميسسيانىڭ 16-شى وتىرىسى وتەدى دەپ جوسپارلانىپ وتىر.