سوندىقتان ول جەرگە كورەرمەن بولىپ بارۋدىڭ ءوزى - ۇلكەن جاۋاپكەرشىلىك.
بۇگىن «استانا وپەرا» مەملەكەتتىك وپەرا جانە بالەت تەاترىندا «قىز جىبەك» وپەراسىن تاماشالاپ وتىرىپ، وسى ءبىر دۇنيەگە كەزەكتى رەت كوز جەتكىزدىم. قويىلىم بۇگىن رەسمي تۇردە اشىلعان «TEATR ALL-2021» حالىقارالىق تەاتر فەستيۆالى اياسىندا ساحنالاندى. فەستيۆالدىڭ «قىز جىبەك» وپەراسىمەن اشىلۋى تەگىن ەمەس. ويتكەنى، بىلتىر عانا وسى جىردىڭ جەلىسىمەن تۇسىرىلگەن ايگىلى فيلمگە 50 جىل تولدى. ونىڭ ۇستىنە، قازاق ونەرىنىڭ دامۋىنا ولشەۋسىز ۇلەس قوسقان كومپوزيتور ەۆگەنيي برۋسيلوۆسكييدىڭ اتالعان شىعارماسى - ۇلتتىق وپەرامىزداعى شوقتىعى بيىك تۋىندىلاردىڭ ءبىرى. سول سەبەپتى، بۇل جولى دا، ادەتتەگىدەي، اسقاق ونەردىڭ وزىق ۇلگىسىنە كۋا بولدىق. وسى رەتتە «استانا وپەرا» ارتىستەرىنىڭ كاسىبي شەبەرلىكتەرى مەن بىلىكتىلىكتەرىن ەرەكشە اتاپ وتكەن ءجون، - دەدى ماۋلەن اشىمبايەۆ ءوز جازباسىندا.
تاۋەلسىزدىگىمىزدىڭ 30 جىلدىعىنا وراي نۇر-سۇلتان قالاسىنىڭ اكىمدىگى ۇيىمداستىرعان ونەر فەستيۆالى ءبىر اپتاعا جالعاسادى.
وعان ەلىمىزدىڭ جەتەكشى تەاترلارى قاتىسىپ جاتىر. ەلوردامىزداعى دراما، ميۋزيكل، وپەرا، بالەت، جاستار تەاترلارى سياقتى ىرگەلى ونەر ۇجىمدارى دا كورەرمەندەرگە ءوز قويىلىمدارىن تارتۋ ەتەدى. سونداي-اق، فەستيۆال اياسىندا ءتۇرلى كورمەلەر مەن شەبەرلىك ساباقتارى وتكىزىلمەك. ياعني، استانالىقتارعا اپتا بويى ونەردىڭ ساف تۇرىمەن سۋسىنداپ، رۋحاني ءلاززات الۋعا مول مۇمكىندىك بار، - دەيدى سەنات سپيكەرى.
ول پاندەميانىڭ ونەر سالاسىنا دا تيگىزگەن زاردابى از بولماعانىن ايتتى.
سوندىقتان وسىنداي يگىلىكتى ىستەردىڭ ارقاسىندا سول ولقىلىقتاردىڭ ورنى تولىپ، ەلىمىزدە تەاترعا بارۋشىلاردىڭ قاتارى كوبەيەدى دەپ سەنەمىز. بۇل ۇلتتىق سانانىڭ وسۋىنە دە ىقپال ەتەتىن ماڭىزدى قادام ەكەنى ءسوزسىز. سوعان بايلانىستى فەستيۆال وتكىزىپ، قالا تۇرعىندارى مەن قوناقتارىنا، جالپى ونەرسۇيەر قاۋىمعا كەرەمەت مۇمكىندىك سىيلاعان بارشا ۇيىمداستىرۋشىلارعا العىسىمىزدى بىلدىرەمىز. قازاق تەاتر ونەرى جاساي بەرسىن! - دەدى ماۋلەن ساعاتحان ۇلى.