ماۋلەن اشىمبايەۆ سەناتورلاردى جاڭا قازاقستان يدەياسىن ىسكە اسىرۋعا بەلسەندى اتسالىسۋعا شاقىردى
ق ر پارلامەنت سەناتىنىڭ ءتوراعاسى ماۋلەن اشىمبايەۆ ارىپتەستەرىن جاڭا قازاقستان يدەياسىن ىسكە اسىرۋعا بەلسەندى اتسالىسۋعا شاقىردى، دەپ حابارلايدى اlmaty-akshamy.kz
«مەملەكەت باسشىسى ەلىمىزدىڭ ساياسي جۇيەسىن ودان ءارى دەموكراتيالاندىرۋ قاجەتتىگىنە باسا ءمان بەردى. جالپى، پرەزيدەنتىمىز ۇسىنعان شارالار جۇيەلى سيپاتقا يە. ولار مەملەكەتتىك باسقارۋ جۇيەسىن، ەكونوميكانىڭ قۇرىلىمىن، الەۋمەتتىك سالانى كەشەندى وزگەرتۋگە ارنالعان. سونىمەن قاتار ازاماتتارىمىزدىڭ ءومىر ءسۇرۋ ساپاسىن ارتتىرۋدى كوزدەيدى. وسىلايشا ەلىمىز دامۋدىڭ جاڭا كەزەڭىنە اياق باسىپ وتىر. بۇل تۇتاس مەملەكەتتىك باسقارۋ جۇيەسىن مەريتوكراتيا، ادىلەتتىلىك جانە اشىقتىق قاعيدالارىنىڭ نەگىزىندە قايتا قۇرۋ كەزەڭى»، - دەدى سەنات ءتوراعاسى.
ونىڭ ايتۋىنشا، وسى جولدا پارلامەنت سەناتى مەملەكەت باسشىسىنىڭ بارلىق باستاماسىن قولداي وتىرىپ، ولاردى زاڭنامالىق تۇرعىدان قامتاماسىز ەتۋ ءۇشىن قاجەتتى جۇمىستاردى ساپالى ءارى ۋاقتىلى جۇزەگە اسىرۋعا ءتيىس.
«قۇرمەتتى دەپۋتاتتار! الدىمىزدا اۋقىمدى مىندەتتەر تۇر. ءقازىر حالىق بىزدەن ناقتى جۇمىس پەن ناتيجە كۇتىپ وتىر. سوندىقتان ەلدىڭ سەنىمى مەن ءۇمىتىن اقتاۋ ءۇشىن ايانباي ەڭبەك ەتەيىك. وسى جولدا ءبارىمىز بەلسەندىلىك تانىتىپ، پرەزيدەنتىمىز ايتقانداي، جاڭا قازاقستاندى بىرگە قۇرايىق»، - دەدى ماۋلەن اشىمبايەۆ سەناتتىڭ وتىرىسىندا.