پارلامەنت سەناتىنىڭ ءتوراعاسى ماۋلەن اشىمبايەۆ بۇگىنگى ۇكىمەتتىڭ كەڭەيتىلگەن وتىرىسىنا قاتىستى facebook-تەگى پاراقشاسىندا ءوز پىكىرىن جازدى، دەپ حابارلايدى اlmaty-akshamy.kz
- مەملەكەت باسشىسى قاسىرەتتى قاڭتار وقيعاسىنان كەيىن ۇكىمەتكە جانە بارلىق مەملەكەتتىك ورگانعا ەلىمىزدىڭ الەۋمەتتىك-ەكونوميكالىق احۋالىن ارتتىرۋ، حالىقتىڭ ءومىر ءسۇرۋ ساپاسىن جاقسارتۋ جونىندە ناقتى مىندەتتەر جۇكتەگەن ەدى. بۇگىن ۇكىمەتتىڭ كەڭەيتىلگەن وتىرىسىندا قاسىم-جومارت كەمەل ۇلى توقايەۆ وسى باعىتتا اتقارىلىپ جاتقان جۇمىستارعا نازار اۋدارىپ، الداعى باسىمدىقتاردى بەلگىلەپ بەردى، – دەپ جازدى ول.
پرەزيدەنتىمىز مەملەكەت تاراپىنان قولعا الىنعان ءار باستاما، ەڭ الدىمەن، حالىقتىڭ ءال-اۋقاتىن ارتتىرۋعا قىزمەت ەتۋى كەرەكتىگىن باسا ايتتى. وسىعان وراي ۇكىمەتكە ەڭبەك ەتۋگە قولايلى جۇمىس ورىندارىن اشۋ، ازاماتتاردىڭ تابىسىنداعى الشاقتىقتى ازايتۋ جانە ولاردىڭ بيزنەسپەن اينالىسۋىنا تەڭ مۇمكىندىك بەرۋ جونىندە ناقتى تاپسىرمالار بەرىلگەنىن ايتتى.
سونىمەن قاتار مەملەكەت باسشىسى ينفلياسيانى اۋىزدىقتاۋ، ەكونوميكانى وركەندەتۋ، بيۋدجەتارالىق قاتىناستىڭ جاڭا جۇيەسىن قالىپتاستىرۋ جانە مەملەكەتتىك ساتىپ الۋلاردىڭ اشىقتىعىن قامتاماسىز ەتۋ مىندەتتەرىنە توقتالدى. وتىرىستا تۇرعىن ۇيمەن قامتۋ، جەردىڭ ءبىر قولعا شوعىرلانۋىنا جول بەرمەۋ، سۋبسيديا بەرۋ سالاسىن رەتتەۋ سياقتى ماڭىزدى باعىتتار بويىنشا دا ءسوز قوزعالدى. وتاندىق اۆتوونەركاسىپتى دامىتۋ، ەلىمىزدەگى قۇرىلىس نارىعىن مونوپولياسىزداندىرۋ، شەتەلگە زاڭسىز شىعارىلعان قارجىنى قايتارۋ، كەدەن بەكەتتەرىندەگى قوردالانعان تۇيتكىلدەردى شەشۋ جانە تاعى باسقا سالالار دا نازاردان تىس قالعان جوق، – دەدى سەنات ءتوراعاسى.
سونداي-اق ول بۇگىنگى ءىس-شارادا پرەزيدەنتىمىز جاڭارۋ ءۇشىن ءادىل، اشىق ءارى تۇسىنىكتى مەملەكەتتىك ساياسات جۇرگىزىلۋى كەرەكتىگىن ايرىقشا اتاپ وتكەنىن تىلگە تيەك ەتتى.
- جىل باسىنداعى قايعىلى وقيعالاردان كەيىن بۇل ماسەلەلەردىڭ وزەكتىلىگى ارتا تۇسكەنى ءسوزسىز. سوندىقتان مەملەكەت باسشىسى ولاردى شەشىپ قانا قويماي، ەلىمىزدى ساياسي، الەۋمەتتىك-ەكونوميكالىق جاڭارتۋ باعدارىن كۇن تارتىبىنە شىعاردى. بۇگىنگى ءىس-شارادا پرەزيدەنتىمىز جاڭارۋ ءۇشىن ءادىل، اشىق ءارى تۇسىنىكتى مەملەكەتتىك ساياسات جۇرگىزىلۋى كەرەكتىگىن ايرىقشا اتاپ ءوتتى. بۇل «جاڭا قازاقستاننىڭ» باستى قۇندىلىعى ەكەنى انىق. شىن مانىندە، ەل يگىلىگىنە قىزمەت ەتۋ – ءبارىمىز ءۇشىن ماڭىزدى مىندەت. سول سەبەپتى پارلامەنت سەناتى مەملەكەت باسشىسىنىڭ باستامالارى مەن رەفورمالارىنىڭ تابىستى ىسكە اسىرىلۋىن زاڭنامالىق تۇرعىدان ساپالى ءارى ۋاقتىلى قامتاماسىز ەتۋ ءۇشىن ۇكىمەتپەن بىرلەسىپ، ءتيىستى جۇمىستاردى اتقارا بەرەدى، – دەپ جازدى ماۋلەن اشىمبايەۆ.