ماۋلەن اشىمبايەۆ اۋە اپاتىنان قازا تاپقانداردىڭ تۋىستارىنا كوڭىل ايتىپ، سەنات وتىرىسىن اشتى
سەنات ءتوراعاسى ماۋلەن اشىمبايەۆ اقتاۋ ماڭىندا بولعان قايعىلى اۋە اپاتىنا بايلانىستى پىكىر ءبىلدىردى. Azerbaijan Airlines اۋە كومپانياسىنا تيەسىلى ۇشاق اپاتى سالدارىنان 38 ادامنىڭ ءومىرى قيىلدى، دەپ حابارلايدى aqshamnews.kz
«كەشە ماڭعىستاۋ وبلىسىندا بولعان اۋە اپاتى ءبارىمىزدى تەرەڭ قايعىعا بولەدى. وكىنىشكە قاراي، ەكيپاج مۇشەلەرى مەن جولاۋشىلار قازا تاپتى. ولاردىڭ اراسىندا قازاقستان ازاماتتارى دا بار. بارلىق قازا تاپقانداردىڭ جاقىندارى مەن تۋىستارىنا كوڭىل ايتامىز،» — دەدى اشىمبايەۆ.
سونداي-اق، سەنات ءتوراعاسى پرەزيدەنتتىڭ تاپسىرماسىمەن مەملەكەتتىك كوميسسيا قۇرىلعانىن اتاپ ءوتتى. قازىرگى تاڭدا بارلىق قۇزىرلى ورگاندار مەن قىزمەتتەر قۇتقارۋ وپەراسياسى اياسىندا قاجەتتى شارالاردى قولعا العان.
ماۋلەن اشىمبايەۆ قۇتقارۋشىلار مەن مەديسينا قىزمەتكەرلەرىنىڭ ۇيلەسىمدى جۇمىسى زارداپ شەككەندەردىڭ تەزىرەك ساۋىعۋىنا وڭ اسەرىن تيگىزەدى دەگەن ءۇمىتىن ءبىلدىردى.