ۆيسە-پرەمەر قانات بوزىمبايەۆ الماتىدا سەيسميكالىق قاۋىپسىزدىكتى قامتاماسىز ەتۋ بويىنشا كەڭەس وتكىزدى.
عيماراتتاردىڭ سەيسميكالىق تۇراقتىلىعىن ارتتىرۋ بويىنشا قابىلدانىپ جاتقان شارالار تۋرالى ونەركاسىپ جانە قۇرىلىس ءمينيسترى قانات شارلاپايەۆ ەسەپ بەردى. ول سەيسميكالىق دەڭگەيى 7-9 بالل بولاتىن الاڭداردا تۇرعىن ۇيلەر مەن الەۋمەتتىك نىساندار سالۋ كەزىندە سەيسميكالىق وقشاۋلاۋدىڭ مىندەتتى جۇيەسىن ەنگىزۋ تۋرالى باياندادى.
توتەنشە جاعداي تۋىنداعان ساتتە ازاماتتاردى ۋاقتىلى حاباردار ەتۋ ماقساتىندا Mass Alert جۇيەسى بيىلعى 1 ماۋسىمعا دەيىن پيلوتتىق رەجيمدە ەنگىزىلەتىن بولادى.
«Mass Alert» ارقىلى حالىقتى قۇلاقتاندىرۋ جەلىگە قوسىمشا جۇكتەمە تۋدىرمايتىن جانە بازالىق ستانسالاردىڭ انتەنناسىن جابۋ ايماعىنداعى بارلىق ابونەنتتى بىردەن جانە جاپپاي حاباردار ەتۋگە مۇمكىندىك بەرەتىن Cell Broadcast تەحنولوگياسىن پايدالانا وتىرىپ جۇرگىزىلەدى»، — دەدى الماتى اكىمى ەربولات دوسايەۆ.
