ماسكەۋ قالاسىندا س.ا.گەراسيموۆ اتىنداعى بۇكىلرەسەيلىك كينەماتوگرافيا ۋنيۆەرسيتەتىنىڭ ۇيىمداستىرۋىمەن تمد قاتىسۋشى-مەملەكەتتەرىنىڭ “ۆوسحوجدەنيە” حالىقارالىق ستۋدەنتتىك كينوفەستيۆالى ءوتتى، دەپ حابارلايدى aqshamnews.kz.
فەستيۆال اياسىندا شىعارماشىلىق جوعارعى وقۋ ورىندارى رەكتورلارىنىڭ كەزدەسۋى، ستۋدەنتتىك كينوجوبالار كورسەتىلىمى، عىلىمي-پراكتيكالىق كونفەرەنسيالار جوسپارلانىپتى.
تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى ارمان جۇدەبايەۆ س.ا.گەراسيموۆ اتىنداعى بۇكىلرەسەيلىك كينەماتوگرافيا ۋنيۆەرسيتەتىنىڭ رەكتورى ۆلاديمير مالىشيەۆپەن جەكە كەزدەسۋ وتكىزىپ، ەكى ءبىلىم ورداسىنىڭ ءوزارا ىنتماقتاستىق قارىم-قاتىناسىن ودان ءارى تەرەڭدەتۋ، بىرىككەن ستۋدەنتتىك كينوجوبانى جۇزەگە اسىرۋ، پروفەسسور-وقىتۋشى قۇرام وكىلدەرىنىڭ الماسۋ تارتىبىمەن شەبەرلىك ساعاتتارىن وتكىزۋ، ستۋدەنتتەردىڭ جازعى مەكتەپتەرگە قاتىسۋى سياقتى ماڭىزدى ماسەلەلەردى تالقىلاپ، وڭ شەشىمدەر قابىلدادى.
رەسەيدەگى جەتەكشى شىعارماشىلىق وقۋ ورداسىمەن ورتاق جوبالاردى جۇزەگە اسىرۋ، مامانداردىڭ بىلىكتىلىگىن ارتتىرۋ جانە حالىقارالىق تاجىريبە الماسۋ ىسىنە دەن قويۋ — اكادەميانىڭ باستى ۇستانىمى.
تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ «كينو جانە تۆ» فاكۋلتەتىنىڭ ستۋدەنتتەرى تىلەۋبەردى تۇراپبەك ۇلىنىڭ «جالعىز جاندار» ءفيلمى فەستيۆالدىڭ گران-پري يەگەرى اتانسا، يسلام باحتىگۋلوۆتىڭ «ليۋك» ءفيلمى «ۇزدىك سەناريي» نوميناسياسىنىڭ جەڭىمپازى اتاندى.
