ماسكەۋدەگى كورمەدە قازاقستان پاۆيلونى التىن بەلگىمەن ماراپاتتالدى

حالىق شارۋاشىلىعى جەتىستىكتەرى كورمەسىندە قازاقستان پاۆيلونى التىن بەلگىمەن ماراپاتتالدى.

جۇلدە مادەني جانە اعارتۋشىلىق باعدارلاماسى، سونىمەن قاتار مادەني نىسانداردى قالپىنا كەلتىرۋگە قوسقان ۇلەسى ءۇشىن بەرىلدى. ماراپاتتاۋ ءراسىمى «حالىقتار دوستىعى» فەستيۆالى اياسىندا ءوتتى، دەپ حابارلايدى Almaty-akshamy.kz

سونداي-اق، ەلىمىزدىڭ پاۆيلونىندا قازاق ءتىلىن ۇيرەنۋ ساباقتارى، توعىزقۇمالاق پەن شاحمات جارىستارى، ءتۇرلى شەبەرلىك سىنىپتار ۇيىمداستىرىلدى.

«قازاقستان پاۆيلونى كورمەنىڭ دامۋىنا قوسقان ۇلەسى ءۇشىن ماراپاتتالدى. ول - وسى كورمەدەگى نەگىزگى پاۆيلونداردىڭ ءبىرى. بۇل – كوپ فۋنكسيونالدى كەشەن، قىزىقتى ەكسپوزيسيا. كورمەنى تاماشالاۋشىلاردىڭ سانى دا كوپ»، - دەيدى حشجك ستراتەگيالىق دامۋ دەپارتامەنتى باسشىسىنىڭ ورىنباسارى يگنات جولوبوۆ.

«جۇمىس كۇندەرى شامامەن 3-4 مىڭ قوناق كەلەدى.  كەيدە 6 مىڭعا دەيىن جەتتى. ال 9 مامىر سياقتى مەرەكەلەردە ءبىزدىڭ پاۆيلون كەلۋشىلەردىڭ سانى بويىنشا رەكوردتىق دەڭگەيگە جەتتى. بىزگە 32 مىڭ قوناق كەلدى»، - دەدى «قازاقستان» پاۆيلونى باس ديرەكتورىنىڭ ورىنباسارى تامارا باباقوۆا