باس سانيتار دارىگەردىڭ جاڭا قاۋلىسى شىقتى
ق ر باس سانيتار دارىگەرىنىڭ جاڭا قاۋلىسى بويىنشا، ماسكا رەجيمى ساقتالۋى ءتيىس نىساندارعا قويىلاتىن تالاپتار بەلگىلەندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وسى قاۋلىعا قوسا بەرىلگەن 1-قوسىمشاعا سايكەس، مەملەكەتتىك ورگاندارعا (ۇيىمدارعا)، ۇلتتىق كومپانيالارعا، بيزنەس-ورتالىقتارىنا جانە باسقا دا كەڭسەلەرگە قويىلاتىن تالاپتاردى ساقتالسىن»، - دەلىنگەن قاۋلىدا. ول تالاپتار مىناداي:
1. جۇمىس ورىندارىن جانە كەلۋشىلەر ءۇشىن بولمەلەرىن تۇراقتى جەلدەتىپ وتىرۋ قاجەت.
2. وبەكتىنىڭ ءۇي-جايلارىنا ماسكاسىز كىرۋگە جول بەرىلمەيدى، عيماراتقا كەلۋشىلەردىڭ 5 جاسقا دەيىنگى بالالاردان باسقالاردىڭ ءبارى مىندەتتى تۇردە ماسكا كيۋى قامتاماسىز ەتىلەدى.
3. كىرەبەرىستە، حولدا، سانيتارلىق توراپتاردا تەرى انتيسەپتيگى بار سانيتايزەرلەر ورناتىلادى.
4. ورگاننىڭ (ۇيىمنىڭ) اكىمشىلىگى: 1) سانيتارلىق توراپتار جەكە گيگيەنا قۇرالدارىمەن (سۇيىق سابىن، انتيسەپتيكتەر)؛ 2) جۇمىس كۇنى ىشىندە ماسكالاردى ولاردى ۋاقتىلى اۋىستىرۋ شارتىمەن پايدالانۋدى؛ 3) انتيسەپتيكتەرمەن جۇمىس ورىندارىن؛ 4) قىزمەتكەرلەر اراسىندا جەكە/وندىرىستىك گيگيەنا قاعيدالارىن ساقتاۋ جانە ولاردىڭ مۇلتىكسىز ساقتالۋىن باقىلاۋ قاجەتتىلىگى تۋرالى نۇسقاما جۇرگىزۋدى قامتاماسىز ەتەدى.
5. وبەكتىلەردىڭ اۋماعى جانە بارلىق ءۇي-جايلار تازا ۇستالادى، كۇن سايىن قوقىستان جانە لاستان تازارتىلادى.
6. بارلىق ءۇي-جايلاردى جيناۋ جۋۋ جانە دەزينفەكسيالاۋ قۇرالدارىن قولدانا وتىرىپ، كۇن سايىن ىلعالدى تاسىلمەن جەلدەتۋ جۇرگىزىلەدى.
7. دەزينفەكسيالاۋ جۇرگىزۋ ءۇشىن قازاقستان رەسپۋبليكاسى مەن ەۋرازيالىق ەكونوميكالىق وداق اۋماعىندا تىركەلگەن جانە بەلگىلەنگەن تارتىپپەن قولدانۋعا رۇقسات ەتىلگەن جانە ەۋرازيالىق ەكونوميكالىق وداق ەلدەرىنىڭ مەملەكەتتىك تىركەۋ تۋرالى كۋالىكتەرىنىڭ ءبىرىڭعاي تىزىلىمىنە ەنگىزىلگەن قۇرالدار قولدانىلادى.
8. دەزينفەكسيالاۋ قۇرالدارى ۆيرۋستىق ينفەكسيالار كەزىندە دەزينفەكسيالاۋ رەجيمى كورسەتىلگەن ولارعا قوسا بەرىلەتىن نۇسقاۋلىقتاردى قاتاڭ ساقتاعان كەزدە قولدانىلادى.
9. دەزينفەكسيالاۋ قۇرالدارىنىڭ جۇمىس ەرىتىندىلەرىن دايىنداۋ ارنايى بولىنگەن ورىندا جۇزەگە اسىرىلادى. دەزينفەكسيالاۋ قۇرالدارى ءونىم بەرۋشىنىڭ ىدىسىندا (قاپتاماسىندا) زاتتىڭ اتاۋى، ونىڭ ماقساتى، زاتتاڭباداعى جارامدىلىق مەرزىمى كورسەتىلە وتىرىپ ساقتالادى. ىدىستىڭ زاتتاڭباسى دەزينفەكسيالاۋ قۇرالىن ساقتاۋدىڭ (پايدالانۋدىڭ) بارلىق كەزەڭىندە ساقتالادى.
10. تەحنيكالىق پەرسونال (تازالاۋشى ايەلدەر) دەزينفەكسيالاۋدى جەكە قورعانىش قۇرالدارىن: حالات، قولعاپ، مەديسينالىق ماسكانى پايدالانا وتىرىپ جۇرگىزەدى.
11. دەنساۋلىق جاعدايى بويىنشا قارسى كورسەتىلىمدەرى جوق كامەلەتكە تولعان ادامدار دەزينفەكسيالىق قۇرالدارمەن جۇمىس ىستەيدى.