وسكەمەندەگى تەحنيكالىق وقۋ ورنىندا اشىلعان كولىك قۇراستىرۋ شەبەرحاناسىندا جاس ماماندار اۆتوكولىكتىڭ بارلىق ءتۇرىن قۇراستىرۋ، جوندەۋ دياگنوستيكا جاساۋدىڭ تولىق جۇيەسىن ۇيرەنۋدە.
بىلتىر جەلتوقسان ايىندا پرەزيدەنت تاپسىرماسى بويىنشا قىتايدىڭ اۆوكولىك قۇراستىرۋداعى الەمگە ايگىلى «لۋ بان» شەبەرحاناسى وڭىردە جۇمىسىن باستادى، دەپ حابارلايدى اlmaty-akshamy.kz. ال اقپان ايىندا پرەزيدەنت وسى شەبەرحانا جۇمىسىمەن تانىسىپ،ۇكىمەتكە ەلىمىزدىڭ بارلىق وڭىرىندە اشۋدى تاپسىردى. قىتايدىڭ تيانسزين ينستيتۋتى شەبەرحانانى تولىق جابدىقتاعان. جۇڭگو مەملەكەتى 1 ميلليون دوللاردى ينۆەستيسيا رەتىندە بەرىپ وتىر. العاشقى كەزەڭدە شەبەرحانا جاساقتالىپ، قاجەتتى قۇرالدارمەن جابدىقتالدى. ءقازىر تولىق ىسكە قوسىلدى. 15 وقىتۋشى -ينجەنەر قىتايداعى «لۋ بان» شەبەرحاناسىنا بارىپ تاجىريبە الماسىپ قايتتى.
ءاسيا ماشكەنوۆا، د.سەرىكبايەۆ اتىنداعى شقتۋ اكادەميالىق قىزمەت باسقارماسىنىڭ باسشىسى:
ءبىزدىڭ مىنا وقىتۋشىلارىمىز كەلەسى ۋاقىتتا دا سول جۇڭگو تيانسزين كاسىپتىك ينستيتۋتىنا بارادى.تامىز سول وسى 15 ادام بارىپ كونفەرەنسياعا قاتىسىپ، وزدەرىنىڭ بىلىكتىلىگىن ارتتىرۋ دەگەن ماسەلەلەردىڭ ءبارىن كورسەتىپ، سونىمەن قاتار ەلەكتروموبيلدىڭ قۇرلىسىن تاعى باسقا ماسەلەلەرىن اكۋمۋلياتورلىق ماسەلەلەرىن تۋرالى سونداي جۇمىستاردىڭ ءبارىن ايتىپ كەتەدى.