الديار توكتاروۆ، اتوم ونەركاسىبىن دامىتۋ قاۋىمداستىعىنىڭ ءتوراعاسى:
- مەن سىزدەرگە اەس-تىڭ نەگە قازاقستان ءۇشىن ەنەرگەتيكالىق تاۋەلسىزدىككە جەتۋدىڭ جالعىز جولى ەكەنىن قاراپايىم تىلمەن تۇسىندىرگىم كەلەدى. ەگەر قازاقستان وسى باعىتتى تاڭداماسا، جاقىن ارادا تاۋەكەل توبىنا ەنۋى مۇمكىن. ەۋروپا جاقىن بولاشاقتا كومىر ەنەرگياسى ارقىلى وندىرىلگەن ونىمدەرگە كاربون سالىعىن ەنگىزۋدى جوسپارلاپ وتىر. ال ءبىزدىڭ ەنەرگيا جۇيەمىز ءدال وسى كومىر گەنەراسياسىنا سۇيەنەدى.
ويلاپ قاراڭىزدار، ەگەر ەلىمىزدە وندىرىلەتىن بارلىق تاۋارلار حالىقارالىق نارىقتا «قارا تىزىمگە» ىلىنسە، ءبىزدى نە كۇتىپ تۇر؟ بۇل ماسەلەنى شەشەتىن جول – اتوم ەنەرگەتيكاسى. اەس سالۋ ارقىلى قازاقستان ءوز ەنەرگەتيكالىق جۇيەسىن جاڭارتىپ، كومىرتەكتى تومەندەتۋگە قول جەتكىزەدى، بۇل الەمدىك نارىقتا باسەكەگە قابىلەتتىلىگىمىزدى ساقتاپ قالۋعا مۇمكىندىك بەرەدى.