الماتى پوليسياسى جول قوزعالىسى ەرەجەلەرىن بۇزعانى ءۇشىن جازانىڭ بۇلتارتپاۋ قاعيداسى تۋرالى ەسكە سالدى.
كىشىگىرىم ىس-ارەكەتتىڭ ءوزى ۇلكەن قاتەلىكتەردىڭ العىشارتى بولاتىنى بەلگىلى، ونىڭ باعاسى – ادام ءومىرى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«پوليسيا، “نولدىك توزبەۋشىلىك” قاعيداتىن، جاسالعان قۇقىق بۇزۋشىلىق ءۇشىن جازانىڭ بۇلتارتپاستىعىن قامتاماسىز ەتۋ، ايىپپۇلداردى ءوندىرىپ الۋدىڭ تيىمدىلىگىن ارتتىرۋ ماقساتىندا تۇراقتى نەگىزدە جول قوزعالىسى ەرەجەلەرىن ورەسكەل بۇزۋدى انىقتاۋ بويىنشا ماقساتتى ءىس-شارالار جۇرگىزەدى. جىل باسىنان بەرى 653 اكىمشىلىك ءىس قاراستىرۋ جانە شەشىم قابىلداۋ ءۇشىن اكىمشىلىك سوتقا جولداندى. ونىڭ ىشىندە 437ء-سى كولىك قۇرالىن ماس كۇيدە باسقارۋ دەرەكتەرى بويىنشا، 26-سى – قاراما-قارسى قوزعالىس جولاعىنا شىعىپ كەتۋ دەرەكتەرى بويىنشا، 17ء-سى – مەديسينالىق تەكسەرۋدەن وتۋدەن باس تارتقانى ءۇشىن، 4 – جالعان ءنومىردى اۆتوكولىككە ورناتقانى ءۇشىن جانە تاعى 2 – كولىك قۇرالىنا ستروبوسكوپ پەن سگۋ ورناتقانى ءۇشىن. ناتيجەسىندە سوتتىڭ شەشىمىمەن 376 جۇرگىزۋشى كولىك قۇرالىن باسقارۋ قۇقىعىنان ايىرىلدى، 398 جۇرگىزۋشى اكىمشىلىك قاماۋعا الىندى»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
بايانداماشى قالا اۋماعىندا بورىشكەرلەردى، سونداي-اق ءوز ەركىمەن اكىمشىلىك ايىپپۇلدى ۋاقتىلى تولەمەگەن ادامداردى انىقتاۋ شارالارى جۇرگىزىلىپ جاتقانىن جەتكىزدى. كولىك قۇرالدارىن مامانداندىرىلعان تۇراققا ورنالاستىرۋ جانە قاماۋعا الۋ تۇرىندەگى اكىمشىلىك شارالاردى قولدانۋ ارقىلى بورىشكەرلەردى انىقتاۋ جۇمىستارى كۇشەيتىلدى.