سپورتشى مانسابىنا كوڭىل ءبولدى.
اتى اڭىزعا اينالعان ورتا سالماقتاعى بوكسشى 46 جاستاعى ارگەنتينالىق سەرحيو مارتينەس ۇلىبريتانيالىق برايان روۋزدى جەڭدى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
جەكپە-جەك مادريدتە (يسپانيا) ءوتتى. بارلىق ون راۋندتىڭ قورىتىندىسى بويىنشا، تورەشىلەر جەڭىستى ءبىراۋىز شەشىممەن (97-94، 96-94 جانە 96-94) مارتينەسكە بەردى.
كەزدەسۋ قارساڭىندا مارتينەس RingTV-گە بەرگەن سۇحباتىندا ورتا سالماقتاعى IBF جانە IBO نۇسقالارى بويىنشا الەم چەمپيونى قازاقستاندىق گەنناديي گولوۆكينمەن جەكپە-جەككە شىعۋعا دايىن ەكەنىن مالىمدەدى.
«قازىرگى ۋاقىتتا مەن تەك كارەراما جانە تيتۋل ءۇشىن قايتا كۇرەسۋ مۇمكىندىگىن ىزدەۋگە كوڭىل ءبولىپ ءجۇرمىن. گەنناديي گولوۆكين، ريوتا مۋراتا، كىشى كريس يۋبەنكا نەمەسە باسقا بىرەۋگە قارسى بولسىن، مەن تيتۋلدىق جەكپە-جەگىمدى ىزدەۋدە ءبارىن تاستاۋعا دايىنمىن. ماعان كورمە جەكپە-جەكتىڭ كەرەگى جوق. مەن ناعىز بەلبەۋ جەڭگىم كەلەدى»، - دەدى مارتينەس.