استانا قالالىق جەدەل مەديسينالىق جاردەم ستانسياسىنىڭ فەلدشەرى ۇلدانا قالدارحان قىزى مىرزۋان (مارقۇم) "ەرلىگى ءۇشىن" مەدالىمەن ماراپاتتالدى، دەپ حابارلايدى aqshamnews.kz
ماراپاتتاۋ تۋرالى جارلىققا 2025 جىلى 18 قاراشادا مەملەكەت باسشىسى قاسىم-جومارت توقايەۆ قول قويدى.
"مەملەكەت باسشىسىنىڭ جارلىعىمەن قىزمەتتىك بورىشىن ۇلگىلى اتقارعانى، قيىن-قىستاۋ جاعدايدا كورسەتكەن ەرلىگى مەن جانقيارلىعى ءۇشىن استانا قالالىق جەدەل مەديسينالىق جاردەم ستانسياسىنىڭ فەلدشەرى ۇلدانا قالدارحان قىزى مىرزۋان (مارقۇم) "ەرلىگى ءۇشىن" مەدالىمەن ماراپاتتالدى"، دەلىنگەن اقوردا جاريالاعان جارلىقتا.
2025 جىلى 8 قاراشادا استانادا تاۋەلسىزدىك داڭعىلى بويىنداعى تۇرعىن ءۇي كەشەنىنىڭ سىرتقى كىرپىش قاپتاماسى وپىرىلىپ، ءۇيىندى استىندا قالعان ادامداردى قۇتقارۋ كەزىندە قالالىق جەدەل مەديسينالىق جاردەم ستانسياسى فەلدشەرىنىڭ باسىنا كونديسيونەر قوندىرعىسى قۇلاعان. ول ەس-تۇسسىز كۇيدە اۋرۋحاناعا جەتكىزىلگەن. 12 قاراشادا دەنساۋلىق ساقتاۋ ۆيسە-مينيسترى ەربول وسپانوۆ فەلدشەردىڭ جاعدايى اۋىر كۇيىندە قالىپ وتىرعانىن ايتقان. ال بۇگىن، 18 قاراشادا 23 جاستاعى جاس كەلىنشەكتىڭ قايتىس بولعانى بەلگىلى بولدى. دەنساۋلىق ساقتاۋ ءمينيسترى اقمارال ءالنازاروۆا قىزمەت بابىندا قازا تاپقان ۇلدانا مىرزۋاننىڭ وتباسىنا كوڭىل ايتتى.