– بۇگىن وتباسىمىزبەن سايلاۋ ۋاسكەسىنە ەرتەرەك كەلۋگە تىرىستىق. ءسويتىپ، ءوز تاڭداۋىمىزدى جاسادىق. وسىلايشا ەل تىزگىنىن ۇستايتىن تۇلعاعا داۋسىمىزدى بەردىك. ءبىز ءارقاشان جانۇيامىزبەن ەل تاعدىرىن شەشەتىن ەلەۋلى دۇنيەلەرگە اتسالىسىپ كەلەمىز. بۇل جولعى سايلاۋدىڭ ءجونى بولەك. بۇرىنعىسىنان وزگەرەك بولىپ جاتىر. سوندىقتان ءادىل سايلاۋ ءوتىپ جاتىر دەپ ايتا الامىز. وسىعان دەيىن تالاي مارتە ساياسي ناۋقاندارعا ارالاسىپ ءجۇرمىز.
الماتى ءارقاشان ەل تاعدىرىندا ماڭىزدى ورىندا تۇرادى. سايلاۋشىلاردىڭ قاتارى بوزعىل تاڭنان باستاپ بەلسەندى. كەلۋشىلەر قاتارى كوپ. ەل-جۇرت ءوز تاڭداۋىن جاساۋدا. ارينە، كوپشىلىكتىڭ وسىنداي بەلسەندىلىك تانىتۋى قۋانتادى. بۇگىنگى زامان دا، ۋاقىت تا وزگەرۋدە. اركىم ءوزىنىڭ سايلاۋ كەزىندەگى ۇلەسىنىڭ بار ەكەنىن بىلەدى. سونىمەن بىرگە ءوز جاۋاپكەرشىلىكتەرىن سەزىنەدى. سوندىقتان دا ەلدىڭ ءبارى ءبىر كىسىدەي اتسىلىپ جاتىر.
ەلىمىز امان، جۇرتىمىز تىنىش بولسىن! وسى جولعى سايلاۋ تەك جاقسىلىقتار مەن يگى باستامالارعا جول باستاي بەرسىن!