سۋ تاسقىنى ايتىپ كەلمەيتىن تابيعي اپاتتارعا جاتادى. ادامنىڭ قولىنان جاسالعان دۇنيە دەپ ايتۋ شىندىققا جاناسپايدى. ەڭ الدىمەن ەسكەرەتىنى، اپات كەزىندە ادام شىعىنى بولمادى.
ءبىز وسى ءۇشىن شۇكىرشىلىك ەتۋىمىز كەرەك. قازىرگى ۋاقىتتا مەملەكەت ءوزىنىڭ مەملەكەتتىك مىندەتىن تولىق اتقارىپ جاتىر. ۇكىمەت باسشىلارىنان باستاپ بارلىعى سونىڭ باسىندا ءجۇر.
مەملەكەت باسشىسى ارنايى ۇندەۋ جاساپ، جۇمىسىن توبىن قۇردى. راسىمەن، ازاماتتارىمىز ۇيىنەن، شارۋاشىلىعىنان ايىرىلدى. وسى كەزدە حالقىمىز ءبىر جەڭنەن قول، ءبىر جاعادان باس شىعارىپ ءوز كومەكتەرىن بەرىپ جاتىر.
بۇل قازاقتىڭ تابيعاتىندا بار قاسيەت. وعان قوسا، بۇل ازاماتتىق قوعامنىڭ ازاماتتىق جاۋاپكەرشىلىگىندەگى دۇنيە.
مەملەكەتىمىزدىڭ حالقى بار، حالقىمىزدىڭ مەملەكەتى بار. وسىنداي تاندەمدە كەز كەلگەن تابيعي اپاتتى ەڭسەرە الامىز.