الماتى قالاسى ىشكى ساياسات باسقارماسىنىڭ قوعامدىق دامۋ ورتالىعى «جۇمىسشى ماماندىقتار جىلى» اياسىندا جاستارعا ارنالعان تاعىلىمدى شارالار وتكىزىپ كەلەدى. سونىڭ بىرەگەيى – «ەڭبەك پەن شەبەرلىك» جوباسىنىڭ ءتورتىنشى كەزدەسۋى «مانساپ جولى» تاقىرىبىندا ۇيىمداستىرىلدى، دەپ حابارلايدى Aqshamnews.kz.
جيىننىڭ نەگىزگى ماقساتى – وسكەلەڭ ۇرپاقتى ەڭبەككە باۋلۋ، بولاشاق ماماندىق تاڭداۋدا سەنىمدى باعىت بەرۋ، سونداي-اق ءوندىرىس، قۇرىلىس جانە ساندىك-قولدانبالى ونەر سالالارىنداعى سۇرانىسقا يە كاسىپتەرمەن تانىستىرۋ بولدى.
كەزدەسۋگە ەلىمىزدىڭ تابىستى كومپانيالارىنىڭ باسشىلارى ارنايى شاقىرىلدى. ولاردىڭ قاتارىندا «SHERTER» كومپانياسىنىڭ جەتەكشىسى ديلمانوۆ باحىت الييەۆيچ، «ورىنباسار ۇلى» كومپانياسىنىڭ باسشىسى ورىنباسار ۇلى ەلجاس جانە «Zamanauy» كومپانياسىنىڭ نەگىزىن قالاۋشى سارسەبەك زامانبەك ءسابيت ۇلى بار. بۇل تاجىريبەلى ماماندار ەڭبەك جولدارى مەن كاسىبي تاجىريبەلەرىن ورتاعا سالىپ، جاستارعا قۇندى كەڭەستەر بەردى.
سپيكەرلەر ءوز كاسىپتەرىنىڭ قالىپتاسۋ تاريحىن، ەڭبەك جولىنداعى العاشقى قادامدارىن، كەزدەسكەن قيىندىقتارى مەن جەتكەن جەتىستىكتەرىن اشىق اڭگىمەلەدى. ءارقايسىسى كاسىبيلىككە جەتۋدىڭ باستى شارتتارى – ەڭبەكقورلىق، ادالدىق جانە ۇزدىكسىز ىزدەنىس ەكەنىن ەرەكشە اتاپ ءوتتى.
كەزدەسۋ بارىسىندا جاستار وزدەرىن تولعاندىرعان سۇراقتارىن قويىپ، تابىستى كاسىپيەلەرىمەن ەركىن پىكىر الماستى. مۇنداي اشىق سۇحبات جاستارعا ەڭبەككە دەگەن قۇلشىنىس سىيلاپ، كاسىبي باعدارىن ايقىنداۋعا سەپتىگىن تيگىزدى.
شارا سوڭىندا قاتىسۋشىلار جۇمىسشى ماماندىقتارىنىڭ ومىردە قانشالىقتى قاجەت ەكەنىن تاعى ءبىر مارتە سەزىنىپ، بولاشاقتا ماماندىق تاڭداۋدا سەنىمدى باعىت العاندارىن اتاپ ءوتتى.«مانساپ جولى» اتتى كەزدەسۋ – ەڭبەك پەن تاباندىلىقتىڭ قۇندىلىعىن ءدارىپتەگەن تاعىلىمدى باسقوسۋ بولدى. بۇل جيىن جاستاردىڭ كاسىبي كوزقاراسىن قالىپتاستىرۋعا ىقپال ەتىپ قانا قويماي، ولاردىڭ بولاشاققا دەگەن سەنىمىن ارتتىردى.