جول اپاتى كەشە قاراقيا اۋدانىنداعى سەنەك اۋىلىنان 90 شاقىرىم جەردە بولدى.
«Toyota Hiace» كولىگى جول شەتىنە اۋدارىلىپ كەتكەن، - دەپ حابارلايدى Aqshamnews.kz.
الدىن الا مالىمەت بويىنشا، جۇرگىزۋشى رولگە يە بولا الماعان. اپات سالدارىنان 8 ادام وقيعا ورنىندا، تاعى 2 ادام اۋرۋحاناعا جەتكىزۋ كەزىندە كوز جۇمدى. جۇرگىزۋشى مەن 2 جولاۋشى جاراقاتپەن اۋرۋحاناعا ءتۇستى.
ءىىم ماڭعىستاۋداعى قايعىلى جول اپاتىنا بايلانىستى ۇندەۋ جاسادى. ىشكى ىستەر ءمينيسترىنىڭ تاپسىرماسىمەن جەدەل شتاب قۇرىلدى. شتاب تاۋلىك بويى جۇمىس ىستەيدى.
- مينيستر قىلمىستىق ءىستىڭ تەرگەۋ بارىسىن ءوز باقىلاۋىنا الدى. قازىرگى ۋاقىتتا تەرگەۋ اياسىندا جۇرگىزۋشىنىڭ ءىس-قيمىلى، كولىكتىڭ تەحنيكالىق جاعدايى، مارشرۋت جانە تاسىمالداۋ شارتتارى تەكسەرىلۋدە، - دەدى ءىىم رەسمي وكىلى - دەپارتامەنت باستىعى شىڭعىس الەكەشيەۆ.جول-كولىك وقيعاسىنا بايلانىستى قىلمىستىق ءىس قوزعالىپ، تەرگەۋ ءجۇرىپ جاتىر.