ماڭعىستاۋ تۇرعىندارى اەس سالۋعا جوعارى قىزىعۋشىلىق تانىتتى

ماڭعىستاۋ وبلىسىنا ساپارى بارىسىندا حالىق شتابىنىڭ مۇشەلەرى سەنەك اۋىلىنىڭ تۇرعىندارىمەن ايماقتىڭ وزەكتى ماسەلەلەرىن تالقىلادى.

تالقىلاۋ بارىسىندا اۋىلدا جاڭا جۇمىس ورىندارىن اشۋ، نەسيە الۋ، جاڭا وندىرىستەردى ىسكە قوسۋ جانە باسقا دا ماسەلەلەر كوتەرىلدى. «اۋىل اماناتى» باعدارلاماسى اياسىندا مەملەكەت اۋىل تۇرعىندارىنا ءوز كاسىبىن اشۋ ءۇشىن 2،5% مولشەرلەمەمەن ەلەۋلى قارجى قاراجات بولەدى. دەگەنمەن، جاڭا بيزنەستى ءساتتى باستاۋ ءۇشىن سەنىمدى ەلەكتر قۋاتى قاجەت، ال بۇل ماسەلەنى اەس قۇرىلىسى ارقىلى شەشۋگە بولادى.

سول كۇنى شتاب مۇشەلەرى ماڭعىستاۋ وبلىسى جۇرتشىلىعىمەن جانە ايماق بەلسەندىلەرىمەن كەزدەستى. ولار اەس قۇرىلىسىن ايماق ەكونوميكاسىن ءارتاراپتاندىرۋ، ينۆەستيسيا تارتۋ جانە جاڭا جۇمىس ورىندارىن قۇرۋ ءۇشىن ماڭىزدى جوبا رەتىندە تالقىلادى. شتاب مۇشەلەرى قازىرگى ۋاقىتتا قازاقستان جىل سايىن ميللياردتاعان كۆت/ساع ەلەكتر ەنەرگياسىن يمپورتتايتىنىن ەسكە سالدى. جىل سايىن بۇل كورسەتكىش ارتىپ كەلەدى. ەنەرگيا تاپشىلىعىنا بايلانىستى كوپتەگەن پەرسپەكتيۆالى وندىرىستەر تەك قاعاز بەتىندە قالىپ وتىر. وسى ماسەلەلەردى اەس شەشەدى. قازىرگى ۋاقىتتا ماڭعىستاۋدى ەلدىڭ ءبىرىڭعاي ەنەرگەتيكالىق جۇيەسىنە قوسۋ جۇمىستارى جۇرگىزىلىپ جاتىر، ياعني بولاشاقتا بارلىق باتىس وبلىستار بەيبىت اتوم ەنەرگياسىن الۋشىلارعا اينالۋى مۇمكىن.

شتاب مۇشەلەرى ايماق تۇرعىندارىنىڭ نازارىن اتوم ەنەرگەتيكاسىنىڭ جالپىالەمدىك ترەند ەكەنىنە اۋداردى. بۇگىنگى تاڭدا بۇل جولدى ەكونوميكالىق تۇرعىدان دامىعان كوپتەگەن ەلدەر – اقش، فرانسيا، جۇڭگو جانە باسقا دا مەملەكەتتەر تاڭداۋدا. مىسالى، بەلگيا جوسپارلاعان ەكى رەاكتوردىڭ جۇمىس ىستەۋ مەرزىمىن 10 جىلعا ۇزارتتى. جاقىندا تۇركيادا اەس قۇرىلىسى اياقتالدى. بيىل وزبەكستان اتوم ەلەكتر ستانسياسىن سالۋ تۋرالى شەشىم قابىلدادى.

جالپى العاندا، ماڭعىستاۋلىقتار اتوم ەلەكتر ستانسياسىن سالۋعا جوعارى قىزىعۋشىلىق تانىتىپ، مەملەكەت باسشىسىنىڭ رەفورمالارىن قولداۋعا دايىن ەكەندىكتەرىن ءبىلدىردى.