قازگيدرومەت مامىر ايىندا كۇن رايىنا قاتىستى بولجام جاريالاعانىن مالىمدەدى “قازگيدرومەت” رمك باسپا ءسوز حاتشىسى الينا ىسماعۇلوۆا، دەپ حابارلايدى اlmaty-akshamy.kz.
«جالپى، 2024 جىلدىڭ مامىرىندا نەگىزگى ەگىن شارۋاشىلىعى وڭىرلەرىندە ىلعال كوبىنەسە نورماعا جۋىق جانە جوعارى بولادى دەپ كۇتىلەدى. قىزىلوردا وبلىسىنىڭ قارماقشى اۋدانىندا اتموسفەرالىق قۇرعاقشىلىق كۇتىلۋدە، مۇندا جاۋىن-شاشىن تاپشىلىعى مەن اۋا تەمپەراتۋراسىنىڭ جوعارىلاۋى بولجانادى. مامىردا قوستاناي وبلىسىنىڭ قاراسۋ اۋدانىندا، باتىس قازاقستان وبلىسىنىڭ بۋرلين، سىرىم جانە قاراتوبە اۋداندارىندا، پاۆلودار وبلىسىنىڭ ەرتىس جانە ۋسپەنكا اۋداندارىندا جانە پاۆلودار قالاسىندا وتە ىلعالدى بولادى دەپ كۇتىلەدى»، - دەدى ول ورتالىق كوممۋنيكاسيالار قىزمەتىندەگى بريفينگتە.
ونىڭ اتاپ وتۋىنشە، ەلدىڭ قالعان اۋماعىندا ىلعالدانۋ جاعدايى نورماعا جۋىق بولماق. بولجام www.agrodata.kz قوسىمشاسىندا جانە «قازگيدرومەت» رمك رەسمي سايتىندا جاريالاندى. قاجەت بولعان جاعدايدا الدىن الا بولجام ناقتىلانادى.