«مامىر-1» شاعىناۋدانىندا 200 ادامدى قابىلدايتىن وتباسىلىق-دارىگەرلىك امبۋلاتوريانىڭ قۇرىلىسى اياقتالىپ كەلەدى. بۇگىنگى تاڭدا جۇمىستار 90%-كە اياقتالدى. نىسان مامىر ايىندا پايدالانۋعا بەرىلەدى، دەپ حابارلايدى almaty-akshamy.kz
«قۋانىش» شاعىناۋدانىندا اۋىسىمىنا 300 ادام قابىلدايتىن №18 ەمحانانىڭ جاڭا نەگىزگى عيماراتىن سالۋ ءۇشىن جەر ۋچاسكەسىن ساتىپ الۋ جۇمىستارى جالعاسۋدا. قازىرگى ۋاقىتتا جەر ۋچاسكەسىنىڭ قۇنى يەسىمەن كەلىسىلىپ جاتىر.
الدىن الا باعالاۋ 14.04.2023 جىلعا دەيىن دايىن بولادى. باعاسىنا كەلىسكەن جاعدايدا ءتيىستى قاراجات ءبولۋ ءۇشىن ءماسليحاتقا بيۋدجەتتىك ءوتىنىم جىبەرىلەدى (وسى جىلدىڭ مامىر ايىنىڭ سوڭىنا دەيىنگى مەرزىم)، كەلىسپەگەن جاعدايدا جەر ۋچاسكەسى تامىزدا سوت تارتىبىمەن ساتىپ الىناتىن بولادى.
بۇل وبەكتىلەردىڭ قۇرىلىسى وسى ەمحانانىڭ شامادان تىس جۇكتەمەسىن تولىعىمەن شەشۋگە مۇمكىندىك بەرەدى.