ماماندىقتار جارمەڭكەسى ۇيىمداستىرىلدى

جاس كوشباسشىلار قورى G-38 قوعامدىق قورى Self Made جوباسى اياسىندا حبك بازاسىندا قالالىق جەتەكشى كومپانيالاردى شاقىرا وتىرىپ، جالپى قالالىق ماماندىقتار جارمەڭكەسىن ۇيىمداستىردى.

جارمەڭكەنىڭ اشىلۋىندا حبك رەكتورى يماندوسوۆا مارگاريتا بۋلاتوۆنا، حبك ءبىرىنشى پرورەكتورى مەڭدىعالييەۆ قايىرجان ەرمەك ۇلى، حبك جانىنداعى يننوۆاسيا جانە قوسىمشا ءبىلىم بەرۋ ينستيتۋتىنىڭ مامانى قۇرمانقۇلوۆ ماعجان، HeadHunter سەرۆيسىنىڭ PR-مەنەدجەرى ماحمۋدوۆا راحيما ءسوز سويلەدى.

ءىس-شاراعا 34 جۇمىس بەرۋشى كومپانيانىڭ وكىلدەرى جانە 500-دەن استام ستۋدەنت قاتىستى.

ءىس-شارا اياسىندا مىناداي تاقىرىپتاردا ماستەر-كلاستار وتكىزىلدى: "ىزدەنۋشىنىڭ تۇيىندەمە-ۆيزيت كارتوچكاسى". "ءوزىنىڭ كاسىبي قۇزىرەتتىلىگىن تانىستىرۋ نەمەسە اڭگىمەلەسۋدە قالاي جەڭۋگە بولادى " ("AlinaGroup"ج ش س)، "كومپانيادا مانساپتىق وسۋگە ارنالعان 5 كەڭەس جانە ءوز جوباڭىزدى قۇرۋعا ارنالعان 5 كەڭەس" (Easyli.kz).

جۇمىس بەرۋشى كومپانيالار قارجى، ەكونوميكا، ەسەپ جانە اۋديت، مەنەدجمەنت، حالىقارالىق قاتىناستار، راديوەلەكترونيكا جانە تەحنيكا، تۋريزم، اۋدارما ءىسى، قۇقىقتانۋ جانە جۋرناليستيكا سالالارىندا ءوز قىزمەتىن جۇزەگە اسىراتىن جاس ماماندارعا قولجەتىمدى بوس جۇمىس ورىندارى مەن ولارعا قويىلاتىن تالاپتار تۋرالى ايتىپ بەردى.

ولاردىڭ ىشىندە ەڭ تانىمالدارى: AlinaGroup ج ش س، Qbi Analytics، "قازاقتەلەكوم" اق، "Datex Enginering" ج ش س، "وتباسى بانك"، "ەۆرازيالىق بانك"، "فورتە بانك"، Halyk Bank، ارىستان ەرس، United-group، STD project، Alder، Headhunter، EasyTap جانە ت. ب.

ۇيىمداستىرۋشىلار بارلىق قاتىسۋشىلارعا: جۇمىس بەرۋشىلەرگە، تۇلەكتەرگە جانە ستۋدەنتتەرگە ماماندىقتار جارمەڭكەسىنە بەلسەندى قاتىسقانى ءۇشىن ۇلكەن العىسىن بىلدىرەدى.