2023 جىلعى ساۋىردە بيۋرو قىزمەتكەرلەردىڭ ەسەپتەلگەن جالاقى مولشەرى بويىنشا بولىنۋىنە جىل سايىنعى تەكسەرۋ جۇرگىزگەن بولاتىن.
تەكسەرۋمەن 2023 جىلدىڭ ءساۋىر ايىندا تولىق جۇمىس ىستەگەن قىزمەتكەرلەر قامتىلدى. زەرتتەۋگە بارلىق ءىرى كاسىپورىندار جانە ورتا جانە شاعىن كاسىپورىنداردىڭ 30% ىرىكتەلىپ قاتىسىپ، كەيىننەن باس جيىنتىققا تارالدى. ساۋالناما بارلىق قوسىمشا تولەمدەر، ۇستەمەاقىلار، سىياقىلار، سالىقتار مەن زەينەتاقى اۋدارىمدارىن ەسكەرە وتىرىپ، 2023 جىلدىڭ ءساۋىر ايىنداعى ناقتى ەسەپتەلگەن جالاقى تۋرالى دەرەكتەردى پايدالاندى. قىزمەتكەرلەردى جۇمىسشىلاردىڭ نەگىزگى كاسىپتەرى مەن قىزمەتشىلەردىڭ لاۋازىمدارى بويىنشا ءبولۋ ۇلتتىق كلاسسيفيكاتورعا سايكەس جۇزەگە اسىرىلدى، دەپ حابارلايدى Almaty-akshamy.kz.
زەرتتەۋ قورىتىندىسى بويىنشا 2023 جىلعى ساۋىردە تولىق جۇمىس ىستەگەن كاسىپورىنداردىڭ اتالعان شەڭبەرى بويىنشا جۇمىسكەرلەر سانى 3 437،3 مىڭ ادامدى قۇرادى، ونىڭ ىشىندە ەر ادامدار 49،0% (1683،8 مىڭ ادام)، ايەلدەر -51،0% (1753،5 مىڭ ادام) قۇرادى.
جالپى قىزمەتكەرلەر اراسىندا ورتاشا ايلىق جالاقىنى 70 000 تەڭگەگە دەيىن – 1،5%، 70 000 – نان 150 000 تەڭگەگە دەيىن – 22،8%، 150 000 – نان 300 000 تەڭگەگە دەيىن – 36،2%، 300 000-نان 600 000 تەڭگەگە دەيىن-30،8%، 600 000 تەڭگەدەن 900 000 تەڭگەگە دەيىن-5،5% الدى%، 900 000 تەڭگەدەن 1 200 000 تەڭگەگە دەيىن – 1،7%، 1 200 000 تەڭگەدەن 1 500 000 تەڭگەگە دەيىن – 0،6%، 1 500 000 تەڭگەدەن جوعارى – 0،9%-ى العان.
سونداي-اق، بيۋرو قىزمەتكەرلەردىڭ جالاقىسىنىڭ مەديانالىق ءمانىن ەسەپتەدى، 2023 جىلى ونىڭ مولشەرى 251 356 تەڭگەنى قۇرادى (204 149 – 2022ج.). ايتا كەتۋ كەرەك، مەديانا – بۇل جالاقىنىڭ كوتەرىلگەنىنە وتىرۋىنا قاراي ونىڭ ورتا ءمانى، ناتيجەسىندە بارلىق جۇمىسشىلاردىڭ جارتىسى ودان كوپ، ال جارتىسى ودان از جالاقى الادى.
بۇدان باسقا، قىزمەتكەرلەردىڭ جالاقىسىنىڭ ءمودالدى ءمانى – 81 377 تەڭگەنى قۇرادى. بۇل باسقالارعا قاراعاندا ءجيى كەزدەسەتىن جالاقى.
ورتاشا ايلىق جالاقىنى سارالاۋدىڭ دەسيلدىك كوەففيسيەنتى – 6،0ء-دى قۇرادى.
باسشىلاردىڭ جالاقى دەڭگەيى 2022 جىلمەن سالىستىرعاندا 13،9% - عا ءوستى. ونەركاسىپ، قۇرىلىس، كولىك جانە باسقا دا ۇقساس كاسىپتەردەگى جۇمىسشىلار – 23،2%، ال بىلىكتىلىگى جوق جۇمىسشىلار – 26،4%
ورتا ءبىلىمى بار قىزمەتكەرلەردىڭ ورتاشا ايلىق جالاقىسى – 230 841 تەڭگەنى، جوعارى ءبىلىمى بارلاردا – 398 214 تەڭگەنى جانە جوعارى وقۋ ورنىنان كەيىنگى بىلىمىمەن– 505 170 تەڭگەنى قۇرادى. جاسى بويىنشا 16 جاستان 24 جاسقا دەيىنگى قىزمەتكەرلەردىڭ ورتاشا ايلىق جالاقىسى 223 165 تەڭگەنى، 25 جاستان 28 جاسقا دەيىن – 284 278 تەڭگەنى، 29 جاستان 34 جاسقا دەيىن – 324 276 تەڭگەنى، 35 جاستان 44 جاسقا دەيىن – 356 082 تەڭگەنى، 45 جاستان 54 جاسقا دەيىن – 330 626 تەڭگەنى قۇرادى، 55 جاستان 64 جاسقا دەيىن – 305 319 تەڭگە، 65 جاستان اسقانداردا-284 378 تەڭگە.
كاسىپكەرلىك قىزمەتپەن اينالىساتىن شاعىن كاسىپورىنداردى ەسەپكە الماعاندا.
ديففەرەنسياسيانىڭ دەسيلدىك كوەففيسيەنتى-ەڭ جوعارى جالاقى الاتىن قىزمەتكەرلەردىڭ 10 پايىزىنىڭ ەڭ تومەنگى جالاقى دەڭگەيى ەڭ از جالاقى الاتىن قىزمەتكەرلەردىڭ 10 پايىزىنىڭ ەڭ جوعارى جالاقى دەڭگەيىنەن نەشە ەسە جوعارى ەكەنىن كورسەتەدى.