بۇل پروسەسس 2027 جىلعا دەيىن كەزەڭ-كەزەڭىمەن جۇزەگە اسىرىلماق.
قازاقستاندا 2027 جىلعا دەيىن ەڭ تومەنگى بازالىق زەينەتاقى مولشەرىن كەزەڭ-كەزەڭىمەن ارتتىرۋ جوسپارلانۋدا، دەپ حابارلايدى Almaty-akshamy.kz LS سىلتەمە جاساپ.
ەڭبەك جانە الەۋمەتتىك قورعاۋ مينيسترلىگى 2023 جىلدان باستاپ قازاقستاننىڭ زەينەتاقى نارىعىندا بىرنەشە وزگەرىستەر كۇتىلەتىنىن حابارلادى.
بىرىنشىدەن، كەلەسى جىلدان باستاپ ايەلدەردىڭ زەينەتكەرلىك جاسى بەس جىل ىشىندە 61 جاستا تۇراقتاپ قالادى. ەكىنشىدەن، ەڭ تومەنگى بازالىق زەينەتاقى مولشەرىن ەڭ تومەنگى كۇنكورىس دەڭگەيىنىڭ (36 018 تەڭگە) 54%-دان 70%-عا دەيىن، ال ەڭ جوعارىسى - تيىسىنشە 100%-دان 120%-عا دەيىن ۇلعايادى. بۇل پروسەسس 2027 جىلعا دەيىن كەزەڭ-كەزەڭىمەن جۇزەگە اسىرىلماق. وسىلايشا، ەڭبەك مينيسترلىگى بازالىق زەينەتاقىنىڭ ورتاشا مولشەرىن شامامەن 13%-عا (جىل سايىن) نەمەسە بۇكىل كەزەڭ ىشىندە 51%-عا ارتتىرۋعا نيەتتى.
سونداي- اق، ىنتىماقتى زەينەتاقىنى ەسەپتەۋ ءۇشىن پايدالانىلاتىن ەڭ جوعارى تابىس – 46-دان 55 اەك-كە دەيىن كوتەرىلەتiن بولادى.
"بۇل جۇيەگە جاڭادان كىرگەن زەينەتكەرلەرگە دە، قازىرگىلەرگە دە قاتىستى. ۇسىنىلعان شارالار 2025 جىلعا قاراي جيىنتىق زەينەتاقىنى ورتا ەسەپپەن 27%-عا ارتتىرۋعا مۇمكىندىك بەرەدى"، - دەپ اتاپ ءوتتى مينيسترلىكتە.
وسى تۇزەتۋلەر سەنات اعىمداعى جىلدىڭ 8 جەلتوقسانىندا ماقۇلداعان "مەملەكەتتىك جاستار ساياساتى جانە الەۋمەتتىك قامسىزداندىرۋ ماسەلەلەرى جونىندەگى" زاڭ جوباسىنا ەنگىزىلدى. قازىرگى ۋاقىتتا قۇجات مەملەكەت باسشىسىنىڭ قاراۋىنا جولداندى.
سونىمەن قاتار، ەڭبەك مينيسترلىگىندە الەۋمەتتىك كودەكس جوباسىنداعى باسقا دا تۇزەتۋلەر ازىرلەۋ تۋرالى ايتىلدى. ولاردىڭ ىشىندە زەينەتاقى جيناقتارىن جەكە قارجى كومپانيالارىن باسقارۋعا اۋدارۋ جانە بiرىڭعاي جيناقتاۋشى زەينەتاقى قورىنىڭ (بجزق) ءتيىمدى ينۆەستيسيالىق ستراتەگياسىن قۇرۋ بار.
بۇعان دەيىن، ماجىلىسمەندەر بجزق جۇمىسىن سىنعا العان بولاتىن. ولاردىڭ پىكىرىنشە، ەلىمىزدە ازاماتتارىمىزدىڭ زەينەتاقى جيناقتارىنىڭ دەڭگەيىنە قاتىستى پروبلەمالار بار. سونىمەن بىرگە ولار قازاقستاندىقتارعا بۇل قاراجاتتى كوممۋنالدىق قىزمەتتەر مەن نەسيەلەردى وتەۋگە جۇمساۋعا رۇقسات بەرۋدى ۇسىنادى.