سوتقا دەيىنگى تەرگەۋ جۇرگىزىلىپ جاتىر.
الماتى قالاسى بويىنشا سىبايلاس جەمقورلىققا قارسى قىزمەت وسى رەتتە مەملەكەتتىك ورگانداردىڭ لاۋازىمدى تۇلعالارىنا دا قاتىستى تەرگەۋ جۇرگىزىپ جاتىر، دەپ حابارلايدى Almaty-akshamy.kz سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
«الماتى قالاسىنىڭ ەنەرگەتيكا جانە كوممۋنالدىق شارۋاشىلىق باسقارماسى» كمم لاۋازىمدى تۇلعالارى مەن «اريا-جاڭا استانا» ج ش س كومپانيا باسشىلىعىنا، ونىڭ ىشىندە گۇلميرا ساتىبالدىعا قاتىستى 2019 جىلى "الماتى قالاسىنداعى 2017 جىلعى ۋنيۆەرسيادا" نىساندارى قۇرىلىس-مونتاج جۇمىستارىنىڭ ناقتى ورىندالماعان مىندەتتەرى ءۇشىن تولەنگەن اسا ءىرى مولشەردە بيۋدجەت قاراجاتىن جىمقىرۋ فاكتىسى بويىنشا سوتقا دەيىنگى تەرگەۋ جۇرگىزىلىپ جاتىر»، - دەلىنگەن اگەنتتىك تاراتقان حابارلامادا.
وسىعان ۇقساس اسا ءىرى كولەمدەگى بيۋدجەت قاراجاتىن جىمقىرۋ فاكتىلەرى بويىنشا مەملەكەتتىك ورگانداردىڭ لاۋازىمدى تۇلعالارى مەن «اريا-جاڭا استانا» ج ش س باسشىلىعىنىڭ قاتىسۋىمەن باسقا وڭىرلەردە سوتقا دەيىنگى تەرگەپ-تەكسەرۋلەر جۇرگىزىلىپ جاتىر.
وزگە اقپارات تەرگەۋ مۇددەسىندە جاريا ەتۋگە جاتپايدى.