ماماندار: باس اۋرۋى دا كەيدە جانتوزگىسىز كەلەدى

باستىڭ مۇنداي اۋرۋىن كلاستەرلىك دەپ اتايدى. 

بوسانۋ كەزىندەگى اۋىرسىنۋ ەڭ اۋىر اۋىرسىنۋدىڭ ءبىر تۇرىنەن سانالادى، الايدا، ودان دا بەتەر جانعا باتاتىن اۋىرسىنۋدى تۋدىراتىن دەرت بار.

بۇل جايىندا Almaty-akshamy.kz Islam.kz اقپاراتتىق پورتالىنا سىلتەمە جاساي وتىرىپ حابارلايدى. 

«روسپوترەبنادزوردىڭ» ششەلكوۆو ورتالىق ەپيدەميولوگيا عىلىمي-زەرتتەۋ ينستيتۋتىنىڭ مولەكۋليارلىق دياگنوستيكا ورتالىعىنىڭ نيەۆروپاتولوگى كسەنيا لەپيلوۆا «دوكتور پيتەر» باسىلىمىنا اۋىرسىنۋدىڭ ەڭ اۋىر ءتۇرىن اتادى.

بىلىكتى ماماننىڭ سوزىنە قاراعاندا، ون بالدىق شكالا بويىنشا ەڭ اۋىر اۋىرسىنۋعا جاتاتىن كلاستەرلىك باس اۋرۋى كەيدە جانتوزگىسىز كەلەدى – 15 مينۋتتان 3 ساعاتقا دەيىن سوزىلۋى مۇمكىن. دەرت مەڭدەگەن ناۋقاستىڭ وز-وزىنە قول جۇمساۋ قاتەرى ارتىپ كەتەدى. مۇنداي دەرتتەن ادام كوز ىلىندىرە المايدى، نە جاتقىزبايدى، قىسقاسى، ادام جانىن قويارعا جەر تاپپايدى. كوزدىڭ ماڭىندا پايدا بولاتىن دەرتتەن ادام ەڭسەسىن كوتەرە الماي قالادى، جانارىنان جاس اعىپ، كوزى قىزارۋى مۇمكىن.

كلاستەرلىك باس اۋىرۋى ومىرگە ءقاۋىپ توندىرمەيدى، الايدا، ول سوزىلمالى بولىپ كەلەدى. كەنەتتەن ۇستاۋى مۇمكىن. ادامدى قاجىتاتىن، ومىرگە قۇلشىنىسىن باساتىن اۋرۋلاردىڭ بىرىنەن سانالادى.