بەس اي ىشىندە ءونىم كولەمى وسكەن.
قازاقستان ۇكىمەتىنىڭ مۇشەلەرى وتكەن بەس ايدا اۋىل شارۋاشىلىعىنىڭ شىعارىلىمى وسكەنىن ايتىپ وتىر، دەپ حابارلايدى Almaty-akashamy.kz Baq.kz سىلتەمە جاساپ.
ۇكىمەت وتىرىسىندا ۇلتتىق ەكونوميكا ءمينيسترى الىبەك قۋانتىروۆ جىل باسىنان بەرى اۋىلشارۋاشىلىق ونىمدەرىنىڭ جالپى كولەمى 1،3%-عا ۇلعايعانىن ايتتى.
«سالاداعى ءوندىرىستىڭ ءوسۋى 11 وڭىردە تىركەلدى. ءوسۋدىڭ ەڭ جوعارعى كورسەتكىشى ماڭعىستاۋ، سولتۇستىك قازاقستان جانە شىعىس قازاقستان وبلىستارىندا تىركەلدى. ەڭ تومەنگى كورسەتكىش قوستاناي، اقتوبە جانە باتىس قازاقستان وبلىستارىندا بايقالۋدا. جەتى ەكونوميكالىق كورسەتكىش بويىنشا وڭىرلەر اراسىنداعى جالپى جاعدايعا توقتالعىم كەلەدى. بارلىق كورسەتكىشتەر بويىنشا ءوسۋ التى وڭىردە – اقمولا، الماتى، قىزىلوردا جانە شىعىس قازاقستان وبلىستارىندا، سونداي-اق نۇر-سۇلتان جانە شىمكەنت قالالارىندا بايقالىپ وتىر»، - دەدى ۆەدومستۆو باسشىسى.
سونداي-اق التى كورسەتكىش بويىنشا ءوسۋ جەتى وڭىردە تىركەلدى.
«ولار اتىراۋ، جامبىل، قاراعاندى، قوستاناي، پاۆلودار جانە سولتۇستىك قازاقستان وبلىستارى، سونداي-اق الماتى قالاسى»، - دەپ اتاپ ءوتتى مينيستر.
سونىمەن قاتار ول ورتالىق جانە جەرگىلىكتى اتقارۋشى ورگاندارعا كەلەسى شارالارعا نازار اۋدارۋ ۇسىنىلىپ وتىرعانىن العا تارتتى.
«سالىنىپ جاتقان وبەكتىلەردى ۋاقىتىلى پايدالانۋعا بەرۋدى باقىلاۋدى قامتاماسىز ەتە وتىرا، قۇرىلىس جۇمىستارى ماۋسىمىن ءتيىمدى جۇرگىزۋ. الەۋمەتتىك ماڭىزى بار ازىق-تۇلىك تاۋارلارى باعالارىن مونيتورينگتەۋ جانە ءتيىستى قالىپقا كەلتىرۋ شارالارىن قابىلداۋ. ەڭبەك نارىعىنداعى تۇراقتىلىقتى قامتاماسىز ەتۋ جانە تۇراقتى جۇمىس ورىندارىن قۇرۋدى ەكپىندى قاداعالاۋ. ينۆەستيسيالاردى بەلسەندى تارتۋ جانە ينۆەستورلارمەن نۇكتەلى جۇمىس جۇرگىزۋ، ءار ينۆەستيسيالىق جوبادان كەلەتىن ەكونوميكالىق قايتارىمدى ماكسيميزاسيالاۋ قاجەت»، - دەدى الىبەك قۋانتىروۆ.
سونداي-اق ول ەكسپورتتىق مىندەتتەمەلەردىڭ تولىق ورىندالۋىنا جاردەمدەسۋ جانە ەكسپورتتاۋشىلاردى بارلىق دەڭگەيلەردە قولداۋ كەرەكتىگىن ايتتى. جوعارىدا اتالعان شارالاردى تولىقتاي ىسكە اسىرۋ ەل ەكونوميكاسىنىڭ ءوسۋىن جەدەلدەتۋگە مۇمكىندىك بەرەدى دەپ وتىر.