ءقازىر قۇتىرۋ مەن برۋسەللەز ءجيى تىركەلىپ جاتىر.
جانۋارلاردىڭ ادامدارعا جۇعاتىن وتكىر جانە سوزىلمالى ينفەكسيالىق اۋرۋلارعا شالدىعۋى جيىلەدى، دەپ حابارلايدى Almaty-akshamy.kz
اۋرۋلارمەن كۇرەسۋدە وڭ قارقىن بايقالمايدى
قازاقستاندا ۆەتەرينارلىق ينسپەكتورلاردىڭ ءوز مىندەتتەرىن اتقارۋعا دەگەن قۇلىقسىزدىعى مالداردىڭ ءقاۋىپتى ينفەكسيا جۇقتىرۋىنا سەبەپ بولىپ وتىر.
بۇل تۋرالى ۇكىمەت ساعاتىندا ءماجىلىستىڭ اگرارلىق ماسەلەلەر جونىندەگى كوميتەتىنىڭ ءتوراعاسى ەرلان بارلىبايەۆ مالىمدەدى.
ونىڭ ايتۋىنشا، رەسپۋبليكا وڭىرلەرىندەگى ۆەتەرينارلىق ءىس-شارالار بيۋدجەتتەن بولىنگەن قاراجات ەسەبىنەن الدىن الۋ شارالارىن جۇرگىزۋمەن شەكتەلىپ وتىر.
«ينسپەكتورلار جۇقپالى ەمەس اۋرۋلار بويىنشا ەسەپتىڭ شىنايىلىعى ءۇشىن جاۋاپكەرشىلىككە تارتىلمايدى. جانۋارلاردىڭ دەنساۋلىعىنا مونيتروينگ جۇرگىزۋ ءۇشىن قان بيوحيمياسىن (تالداۋىن) جۇرگىزۋمەن ەشكىم اينالىسىپ جاتقان جوق. ال بۇل ەپيزوتيكالىق جاعىمدى احۋالدى قالىپتاستىرۋدىڭ نەگىزى بولىپ وتىر. سوندىقتان سوڭعى جىلدارى جانۋارلاردىڭ ادامدارعا جۇعاتىن وتكىر جانە سوزىلمالى ينفەكسيالىق اۋرۋلارعا شالدىعۋى جيىلەدى»، - دەدى ەرلان بارلىبايەۆ.
ول ءقازىر قۇتىرۋ مەن برۋسەللەز ءجيى تىركەلىپ جاتقانىن جانە وسى اۋرۋلارمەن كۇرەسۋدە وڭ قارقىن بايقالمايتىنىن اتاپ ءوتتى.
مىسالى، 2020-2021 جىلدارى برۋسەللەز جۇقتىرۋ 2%-عا، اۋىل شارۋاشىلىعى جانۋارلارىنداعى ءسىبىر جاراسى – 6 ەسە، لەپتوسپيروز – 5 ەسە، اناەروبتى ەنتەروتوكسەميا – 5 ەسە، ۆيرۋستى ديارەيا جانە جۇقپالى رينوتراحيت – 113%-عا وسكەن.
«يمپورتتىق اسىل تۇقىمدى ءىرى قارا مالدى ەلگە جەتكىزۋ بويىنشا باعدارلامالاردى جۇزەگە اسىرۋ دا از قيىندىق تۋدىرعان جوق. ەلگە ينفەكسيالىق رينوتراحەيت، بليۋتانگ، نودۋليارلى دەرماتيت، شماللەنبەر دەرتى جانە ۆيرۋستى ديارەيا سىندى اۋرۋلار اكەلىندى»، - دەدى بارلىبايەۆ.
ءماجىلىس دەپۋتاتى مالدىڭ ينفەكسيالىق اۋرۋلارى، قىرىلۋ جانە ولاردى ەرتە سويۋعا ماجبۇرلىك، اۋرۋدان كەيىنگى احۋالىنىڭ ناشارلىعى، ۆاكسينالاۋ جانە اۋرۋدى ەمدەۋگە كەتكەن شىعىن، سونداي-اق كارانتين شارالارى شارۋالاردىڭ عانا ەمەس، بۇكىل ەل ەكونوميكاسىنا كەرى اسەر ەتىپ وتىرعانىن ايتتى.