اۋليەكول اۋدانىندا جانە وزگە وڭىرلەردە بولعان ورتتەن ەگىستىك القاپتارىنا زيان كەلگەن جوق. بۇگىن سەناتقا مالدى اسىلداندىرۋعا قاتىستى زاڭ جوباسىن الىپ كەلگەن اۋىل شارۋاشىلىعى ءمينيسترى وسىلاي دەپ مالىمدەدى.
ايتۋىنشا، ەگىننىڭ جارتىسىنان استامى جينالعان. جۇمىس قىزۋ جالعاسىپ جاتىر، دەپ حابارلايدى Almaty-akshamy.kz.
ءقازىر مال باسى ءوسىپ جاتىر. ونى اسىلداندىرۋعا سۋبسيديا دا بولىنەدى. ءبىراق ناتيجە ءبىز قالاعانداي ەمەس. سەبەپ - كادر تاپشىلىعى. ەربول قاراشوكەيەۆتىڭ ايتۋىنشا، بىزدە ءتورت تۇلىكتى گەنومدىق جولمەن اسىلداندىراتىن زاماناۋي مولەكۋليارلىق ادىستەردى مەڭگەرگەن مامان جەتىسپەيدى. سول ءۇشىن اۋىل شارۋاشىلىعى ماماندارىن دايارلاۋ ءادىسى قايتا قارالادى دەگەن مينيستر اۋليەكولدە جانە وزگە وڭىرلەردە بولعان ورتكە دە توقتالدى. ايتۋىنشا، ءتىلسىز جاۋ شارۋاشىلىقتارعا ايتارلىقتاي زيان كەلتىرمەگەن.
ال ەت باعاسى قىمباتتامايدى. مينيستر باعانىڭ وسۋىنە نەگىز جوق دەيدى. ىشكى نارىقتاعى جاعداي تۇراقتى. ءتىپتى جاقىندا شارۋالاردىڭ تابىسىن ارتتىرۋ ءۇشىن شەتەلگە 120 مىڭ ۇساق مال، 60 مىڭ ءىرى قارا ەكسپورتتاۋعا رۇقسات بەرىلمەك.