قىزىلوردا قالاسىنىڭ تۇرعىنى ەكى ايدان بەرى حابار-وشارسىز. ول اقپان ايىندا مال ساتىپ الۋ ماقساتىندا اقتوبە وبلىسىنا جولعا شىققان، دەپ حابارلايدى Almaty-akshamy.kz قازاقپارات-قا سىلتەمە جاساپ.
45 جاستاعى قىزىلوردالىق ۇلىقبەك نىسانبايەۆ بيىلعى 23 اقپاندا مال ساتىپ الۋ ماقساتىندا اقتوبە وبلىسىنىڭ ىرعىز اۋدانىنا اتتانعان. سودان بەرى ۇيىنە قايتا ورالماعان. «ۇلىقبەك تۇرماگانبەت ۇلىنىڭ قايتا ورالماۋىنا بايلانىستى قىزىلوردا قالالىق پوليسيا باسقارماسى ىزدەۋ سالادى. ونىڭ بويى 165-170 سم، تولىق دەنەلى، قىسقا. ۇستىنە كوك ءتۇستى كۋرتكا، كوك ءتۇستى كلاسسيكالىق شالبار، باسىنا كارا ءتۇستى كەپكا، اياعىنا قارا ءتۇستى ەتىك كيگەن. اتالعان حابارلاما بويىنشا قانداي دا ءبىر اقپارات بىلگەن جاعدايدا مىنا تەلەفون نومىرلەرىنە مالىمەت بەرۋدى سۇرايمىز: 8(7242)-29-75-20 نەمەسە 102 ارناسى»، - دەپ جازىلعان قىزىلوردا قالالىق پوليسيا باسقارماسى تاراتقان حابارلامادا.