جاڭاارقا اۋدانىندا جاعداي وتە اۋىر. جىلقى قىرىلۋدا.
جۇتقا بايلانىستى اۋدان اكىمى قانات قوجىقايەۆ جاۋاپ بەردى، دەپ حابارلايدى اlmaty-akshamy.kz.
ەڭ بىرىنشىدەن، قىس سوڭىندا ورىن العان قيىنشىلىققا قاتىستى اۋداندىق شتاب قۇرىلىپ، ءتيىستى مەكەمەلەر، كەنت، اۋىلدىق وكرۋگ اكىمدەرى مەن كاسىپورىندارمەن، كاسىپكەرلەرمەن بىرلەسكەن شارالار قولعا الىنۋدا.
شىعىنعا ۇشىراعان مال سانىن انىقتاۋ، شارۋا قوجالىقتارىنا جىلقىلاردى ءتيىستى ورىندارعا جەتكىزىپ الۋ ءۇشىن ماتەريالدىق-تەحنيكالىق كومەك كورسەتۋ، جەم-شوپ باعاسىن تۇراقتى ۇستاپ تۇرۋ جۇمىستارى جۇرگىزىلۋدە.
قازىرگى ۋاقىتتا دالادا تابىلعان جىلقىلاردىڭ يەلەرى انىقتالمادى.
كەڭەستىك كەزەڭدە وسىنداي جاعدايدا مەملەكەت تاراپىنان ۇلكەن كۇش سالىناتىن. دەگەنمەن، ول ۋاقىتتا مال تولىعىمەن مەملەكەتتىك مەنشىكتە، ياعني، ورتانىڭ مالى بولىپ تابىلدى. سوعان سايكەس، ءتيىستى شارالار قابىلداندى. قازىرگى جاعداي مۇلدەم بولەك. جىلقى مالى تولىق جەكە مەنشىك يەلەرىندە. سوندىقتان، ولاردى بازاعا تىركەۋ، جەم-شوپ قورىن دايارلاۋ، ولاردىڭ باعىلۋىن ۇيىمداستىرۋ مەملەكەتتىك ورگان قۇزىرەتىنە كىرمەيدى. جەم-شوپ شىعىنىن قايتارۋ ءۇشىن مەملەكەت تاراپىنان بەرىلەتىن سۋبسيدياعا دا اركىم ارنايى جۇيەگە (بازاعا) كىرىپ، ەلەكتروندى قول قويۋ ارقىلى، جەرگىلىكتى اكىمدىكتىڭ قاتىسۋىنسىز سۇرانىس بەرە الادى.
ءشوپتىڭ تونناسىنىڭ باعاسى 120 مىڭ دەگەن دەرەك نەگىزسىز. قىزىلوردا مەن شىمكەنت جاقتان جوڭىشقا جەتكىزىلىپ، ساتىلۋدا. اۋدان ىشىندە ءشوپ قورى بار، شارۋاشىلىقتار تونناسىن 35-60 مىڭ ارالىعىندا ساتۋدا. كەبەك قورى جەتكىلىكتى. ولار ءار پۋنكتتە قابى 1350 -1450 تەڭگەدەن ساتىلۋدا. اۋدان اكىمدىگى جەم-شوپ باعاسىن كوتەرمەۋ ءۇشىن كاسىپكەرلەرمەن كەلىسىمگە كەلۋ جۇمىستارىن جۇرگىزىپ جاتىر.
جالپى، جاڭاارقا اۋدانىندا اگروونەركاسىپتىك كەشەنىندە 12-جشس، 987 شارۋا قوجالىقتارى جۇمىس جاسايدى.
2023 جىلى وبلىس اكىمدىگىنىڭ قاۋلىسىمەن بەكىتكەن ەرەجەسىنە سايكەس، تالاپقا ساي كەلەتىن شارۋا قوجالىقتارىنا وبلىستىق بيۋدجەت ەسەبىنەن اۋدانىمىزدىڭ 584 شارۋا قوجالىعىنا جەم-شوپ شىعىنىن وتەۋ ءۇشىن بارلىعى 749 ملن. 294 مىڭ تەڭگە كولەمىندە سۋبسيديا بەرىلدى.
جاڭاارقا اۋدانىندا قاراستى شارۋا قوجالىقتارىنا سۋبسيديا ۇلەستىرۋدى ۇلىتاۋ وبلىسىنىڭ اۋىل شارۋاشىلىق باسقارماسى جۇزەگە اسىرادى. ول ءۇشىن “EGov” ەلەكتروندى ۇكىمەت پارتالى ارقىلى ءوتىنىم بەرۋگە بولادى.
