اۋىلشارۋاشىلىق مينيسترلىگى وسىنداي قاۋلى قابىلدادى، دەپ حابارلايدى almaty-akshamy.kz.
ول 15 تامىزدان باستاپ كۇشىنە ەنەدى. جەم-شوپتى شەتەلگە ساتۋدى شەكتەۋ ىشكى نارىقتا قور جيناۋ ماقساتىمەن جاسالدى.
مالىمەتتەرگە قاراعاندا، ءقازىر ەلدە 16 ميلليون توننادان استام ءشوپ جينالدى. بۇل جوسپاردىڭ 68 پروسەنتىنە تەڭ. شارۋالاردىڭ قىسقا قام جاساۋى ءۇشىن وڭىرلەرگە 43 مىڭ توننا ديزەل وتىنى جەڭىلدىكپەن بەرىلگەن. سونداي-اق مەملەكەت قاراماعىنداعى 211 مىڭ گەكتار جەردىڭ ءشوبىن ورۋعا رۇقسات ەتىلدى.
بۇگىندە الماتى، جامبىل جانە تۇركىستان وبلاستارى جەم-شوپ قورىن جيناۋدا جوسپاردى ارتىعىمەن ورىندادى. ال قۋاڭشىلىقتان زارداپ شەككەن وڭىرلەرگە كومەك رەتىندە ۇكىمەتتەن 3،6 ميلليارد تەڭگە ءبولىندى. ونىڭ 1،7 ميللياردى قىزىلوردا، 1،9 ميللياردى ماڭعىستاۋ وبلىسىنا بەرىلدى. سونداي-اق وسى ەكى ءوڭىردىڭ تۇراقتاندىرۋ قورىنا قوسىمشا 1،7 مىڭ توننا ارپا جەتكىزىلەدى. دەسە دە، ماماندار مالدىڭ قىرىلۋىنا جالعىز قۋاڭشىلىق ەمەس، سالاداعى جۇيەلى جۇمىستىڭ جوقتىعى سەبەپ بولدى دەيدى.