وزەكتى ماسەلەلەرىن تالقىلادى.
الماتىعا جۇمىس ساپارى اياسىندا ق ر پارلامەنتى ءماجىلىسىنىڭ دەپۋتاتتارى ايدوس سارىم، ايگۇل قۇسپان جانە جۇلدىز سۇلەيمەنوۆا قاڭتار ايىنداعى وقيعالار كەزىندە زارداپ شەككەن كاسىپكەرلەرمەن كەزدەسىپ، زالالدى وتەۋ بويىنشا تولەمدەر مەن وتەماقىنى جەدەلدەتۋدىڭ وزەكتى ماسەلەلەرىن تالقىلادى، دەپ حابارلايدى Almaty-akshamy.kz.
وسىنداي كاسىپورىنداردىڭ ءبىرى «DasAutoServise» ج ش س بولىپ تابىلادى، ول مارودەرلەردىڭ شابۋىلىنا ۇشىرادى. اۆتوسەرۆيس يەسى كيريل ناگييەۆ 6 جىل بويى اۆتوموبيلدەردى جوندەۋمەن جانە اۆتوبولشەكتەردى ساتۋمەن اينالىسادى جانە مۇندا اتالعان جەردى جالعا الادى. ولار ورىن العان جاعدايدان كەيىن جالاقى ءالى الماعان.
«ءبىزدىڭ اۆتوسەرۆيسىمىزدە كليەنتتەردىڭ 9-عا جۋىق كولىگى بولدى، بارلىعى ورتەندى. ولار دا تەكسەرۋدەن ءوتىپ، زالالدى وتەۋگە ءوتىنىش بەرەدى. ءبىز شىعىن سوماسىن تەك 40 ملن تەڭگەگە دالەلدەي الدىق، ءوتىنىم ءقازىر ماقۇلداۋ كەزەڭىندە. بارلىق قۇجاتتار مەن دياگنوستيكالىق جابدىقتاردىڭ دا جانىپ كەتكەننىڭ سالدارىنان دالەلدەي الماعانىمىز قانشاما»، - دەدى ك.ناگييەۆ.
جاپپاي تارتىپسىزدىك كەزىندە اۆتوسەرۆيستە بولعان اۆتوكولىك يەلەرىنىڭ وتىنىشتەرى ەلەكتروندىق پلاتفورمادا جەكە تىركەلگەن، ولار قارالۋ ۇستىندە. سونىمەن قاتار، جاپپاي تارتىپسىزدىك بارىسىندا 2 اۆتوكولىك ۇرلاندى.
اۆتوسەريس عيماراتىنىڭ وزىنە كەلەتىن بولساق، قازىرگى ۋاقىتتا عيماراتتىڭ قولدانىستاعى پارامەترلەرىن ساقتاي وتىرىپ، قايتا قۇرۋعا ارنالعان جوبالىق-سمەتالىق قۇجاتتاما ازىرلەنۋدە. الايدا يەسى جسق جانە ساراپتامالىق قورىتىندى ءۇشىن قارجىلىق تۇرعىدا تولەۋ مۇمكىندىگى جوق ەكەنىن جەتكىزدى.
«بۇل جاعدايدىڭ كۇردەلىلىگى نەدە؟ مۇندا يەسى بىرەۋ، ءبىراق ءبىر بيزنەس اياسىندا 10-نان استام قوسالقى جالعا الۋشى جۇمىس ىستەيدى. بۇل كەيس بويىنشا بىزدە تۇسىنىستىك بار، ەڭ باستىسى، كاسىپكەردە الداعى جوسپاردىڭ كورىنىسى پايدا بولدى. ءبىزدىڭ اۋدان اكىمدىگىمەن كەلىسىمىمىز بويىنشا بۇگىن-ەرتەڭ يەسىنە ناقتى جوسپار-كەستە ۇسىنىلادى. وندا قاشان، قاي مەرزىمدە، قانداي ساراپتامالار جۇرگىزۋ كەرەكتىگى كورسەتىلەدى. ءبىز دە مۇنى باقىلاۋعا الامىز، قالالىق قىزمەتتەردىڭ جۇمىسىن جەدەلدەتەتىن بولامىز»، - دەدى ماجىلىسمەن ايدوس سارىم.
