بۇگىن ورتالىق سايلاۋ كوميسسياسى 19 ناۋرىزدا وتەتىن كەزەكتەن تىس ءماجىلىس سايلاۋىنا تاعى 7 شەتەلدىك بايقاۋشىنى اككرەديتتەدى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
«حالىقارالىق بايقاۋ ينستيتۋتى اشىلعاننان بەرى 6 شەت مەملەكەتتەن، 3 حالىقارالىق ۇيىمنان 72 بايقاۋشى رەسمي تىركەۋدەن ءوتتى. بۇگىنگى تاڭدا سىرتقى ىستەر مينيسترلىگى 3 شەت مەملەكەتتەن 7 بايقاۋشىنى تىركەۋدەن وتكىزۋدى ۇسىندى. اتاپ ايتساق، ورتالىق سايلاۋ كوميسسياسىنىڭ شاقىرۋى بويىنشا ارمەنيا رەسپۋبليكاسىنان 2 جانە گرۋزيادان 2 بايقاۋشى – اتالعان مەملەكەتتەردىڭ ورتالىق سايلاۋ كوميسسياسى مۇشەلەرى مەن وكىلدەرى. سونداي-اق، فرانسيا رەسپۋبليكاسىنان 3 كانديداتۋرا، ونىڭ ىشىندە قۇرمەتتى ەلشى مىرزا مەن ديپلوماتتار تىركەۋگە ۇسىنىلدى»، - دەدى ورتالىق سايلاۋ كوميسسياسىنىڭ حاتشىسى مۇحتار ەرمان كوميسسيا وتىرىسىندا.
وسىدان كەيىن ورتالىق سايلاۋ كوميسسياسى ۇسىنىلعان بايقاۋشىلاردى تىركەۋ جونىندە قاۋلى قابىلدادى.