ءماجىلىس سپيكەرى ءماجىلىستىڭ قاشان تارايتىنىن ايتتى.
ءماجىلىس ءتوراعاسى ەرلان قوشانوۆ پالاتانىڭ جالپى وتىرىسىنان كەيىن پارلامەنت سايلاۋىنىڭ قاشان وتەتىنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«پرەزيدەنت بۇكىل ەلەكتورالدىق سيكلدى جاريالاپ قويعان. پارلامەنت سايلاۋى كەلەسى جىلدىڭ ءبىرىنشى جارتىجىلدىعىندا وتەدى. مۇنى پرەزيدەنت جاريالادى. ارينە، سول سايلاۋدان كەيىن جاڭا ۇكىمەت جاساقتالادى. ناقتى مەرزىمىنە كەلسەك، پرەزيدەنت قاشان سايلاۋدى جاريالايتىنىن كۇتۋ كەرەك»، - دەدى سپيكەر.
سونداي-اق، سايلاۋدان كەيىن ۇكىمەت قالاي جاساقتالاتىنى تۋرالى پىكىر ءبىلدىردى.
«كەلەسى جىلدىڭ ءبىرىنشى جارتىسىندا قازىرگى ءماجىلىس تاراتىلادى، جاڭا ءماجىلىس سايلانادى. سودان كەيىن ۇكىمەت اۋىسادى. اۋىسقاندا، جاڭا قۇرام جاساقتالادى. وسى ۇكىمەت قالا ما، جاڭا ۇكىمەت بولا ما، ول تۋرالى پرەزيدەنت شەشىم قابىلدايدى»، - دەدى ەرلان قوشانوۆ.