ق ر پارلامەنت ءماجىلىسىنىڭ دەپۋتاتتارى پالاتا وتىرىسىنىڭ ەكىنشى وقىلىمىندا مەملەكەتتىك ەڭبەك ينسپەكسياسىن ورتالىق مەملەكەتتىك ورگاننىڭ قاراماعىنا بەرۋدى كوزدەيتىن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ويىن بيزنەسى، لوتەرەيالار جانە لوتەرەيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قاراپ، قابىلدادى.
ەڭبەك ينسپەكسياسىن جەرگىلىكتى اتقارۋشى ورگانداردان ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ قاراماعىنا بەرۋ ناتيجەسىندە ونىڭ اۋماقتىق بولىمشەلەرىمەن مەملەكەتتىك ەڭبەك ينسپەكسياسىنىڭ جەكە ۆەدومستۆوسى قۇرىلاتىن بولادى، مەملەكەتتىك باقىلاۋدىڭ تىكەلەي جانە تاۋەلسىز جۇيەسى قۇرىلدى جانە سول ارقىلى ەڭبەك زاڭناماسىنىڭ ساقتالۋىن باقىلاۋ كۇشەيتىلدى، دەپ حابارلايدى Almaty-akshamy.kz سالا مينيسترلىگىنە سىلتەمە جاساپ.
زاڭ جانە كادر قىزمەتىن ورتالىقتاندىرۋ ەسەبىنەن اۋماقتىق ينسپەكسيالار دەڭگەيىندە تىكەلەي ەڭبەك ينسپەكتورلارىنىڭ سانى ۇلعايتىلاتىن بولادى، بۇنىڭ ءوزى مەملەكەتتىك قىزمەتشىنىڭ ءاربىر جۇمىس ىستەپ تۇرعان بىرلىگىنەن جۇمىستىڭ ۇلكەن تيىمدىلىگىن بەرەدى. بۇل ءوز كەزەگىندە قىزمەتكەرلەردىڭ قۇقىقتارى مەن مۇددەلەرىن قورعاۋدى، ەل كاسىپورىندارىنداعى ءقاۋىپسىز ەڭبەك جاعدايلارىن قامتاماسىز ەتۋگە، سونداي-اق ەڭبەك داۋلارى مەن جانجالداردىڭ تۋىنداۋ تاۋەكەلدەرىن ازايتۋعا ىقپال ەتەتىن بولادى.
بۇل رەتتە اكىمدىكتەردە الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى ءۇشجاقتى كوميسسيا شەڭبەرىندە الەۋمەتتىك ديالوگ جۇرگىزۋ، جۇمىس بەرۋشىلەرمەن جانە كاسىپوداقتارمەن ءوزارا ءىس-قيمىل جاساۋ، ۇجىمدىق ەڭبەك داۋلارىنىڭ الدىن الۋ جونىندەگى فۋنكسيالار ساقتالاتىن بولادى.
ەستەرىڭىزگە سالا كەتەيىك، مەملەكەتتىك ەڭبەك ينسپەكسياسىن جەرگىلىكتى اتقارۋشى ورگانداردان ەڭبەك جانە حالىقتى الەۋمەتتىك قورعاۋ مينيسترلىگىنە بەرۋ ماسەلەسى مەملەكەت باسشىسىمەن كەلىسىلىپ، 2024 جىلعى 22 مامىردا رەسپۋبليكالىق بيۋدجەت كوميسسياسى قارادى.