2023 جىلى ەكرانعا شىقپاق
«قازاقفيلم» كينوستۋدياسىندا اشارشىلىق تۋرالى «ءولىارا» اتتى تولىقمەتراجدى كوركەم ءفيلمى ءتۇسىرىلدى، دەپ حابارلايدى Almaty-akshamy.kz كينوستۋديانىڭ باسپا ءسوز قىزمەتىنە سىلتەمە جاساپ.
«ءولىارا» كوركەم ءفيلمىنىڭ ءتۇسىرىلىمى 2021 جىلعى 28 قازان مەن 7 جەلتوقسان ارالىعىندا الماتى وبلىسىندا ءوتتى. 2022 جىلى شىلدە ايىندا كينوكارتينانىڭ مونتاجداۋ-ارلەۋ كەزەڭى باستالدى.
ءفيلمنىڭ سەناريي اۆتورى نۇرلان سانجار، قويۋشى رەجيسسەرى ماجارستان رەسپۋبليكاسىنىڭ تۋماسى تاماش توت. ءفيلمنىڭ جەلىسى XX عاسىردىڭ 30-شى جىلدارىنداعى اشارشىلىق قاسىرەتىن باياندايدى.
«كارتينانىڭ سيۋجەتى بويىنشا يشتۆان ماديار «ساياسي كىناسىن» وتەۋ ءۇشىن قازاق جەرىنەجىبەرىلەدى. ول قارابايدىڭ جەدەل وتريادىنا ءتۇسىپ، كۋلاك مالىن جەدەل ىزدەۋمەن جانە تاركىلەۋمەن اينالىسادى. سول كەزدە ءوز كوزىمەن اشارشىلىق پەن جاۋىنگەرلەردىڭ قاتىگەزدىگىن كورىپ، توڭكەرىس تۋرالى كوزقاراسىن وزگەرتەدى. يشتۆان جەرگىلىكتى تۇرعىندارعا جاقتاسىپ، سولارمەن بىرگە قىزىل وزبىرلىقپەن كۇرەسۋگە تىرىسادى. باس كەيىپكەر امان قالىپ، قازاق حالقىنىڭ ۇلى قاسىرەتى تۋرالى شىندىقتى جەتكىزۋگە بار كۇشىن سالادى»، -دەدى ءفيلمنىڭ اتقارۋشى پروديۋسەرى جانسەرىك شونا ۇلى.
فيلمگە ەكى ەلدىڭ تانىمال اكتەرلەرى قاتىسقان. باستى رولدەردە ماجار ەلىنىڭ تەاتر جانە كينو اكتەرى پيتەر بارنا، بەلگىلى قازاقستاندىق اكتەرلەر الدابەك شالبايەۆ، ەرجاننۇرىمبەت جانە باسقالارى ويناعان.
كارتينانىڭ ۇلكەن ەكراندارعا شىعۋى 2023 جىلعا جوسپارلانىپ وتىر.