مايقايىڭدا ىزدەۋ-قۇتقارۋ جۇمىستارى بۇگىن قايتا جالعاستى.
بۇل شاراعا ەندى كەن بايىتۋ كومبيناتى جاۋاپتى، دەپ حابارلايدى Almaty-akshamy.kz.
كاسىپورىننىڭ باس ديرەكتورى قۋانىش ءبوتيننىڭ ايتۋىنشا، ونداعان تەحنيكا مەن 20-عا تارتا ادام بولىنگەن. ءقازىر جوعارىدان شىڭىراۋدىڭ تۇبىنە اپاراتىن جولدى كەڭەيتۋ جۇمىستارى ءجۇرىپ جاتىر. بۇدان سوڭ، تەحنيكا ورنىعاتىن اۋماقتى ۇلعايتىپ، قۋاتى كۇشتى ۇلكەن ەكسكاۆاتورلاردىڭ جۇمىس ىستەۋىنە مۇمكىندىك بەرىلەدى.
ەستەرىڭىزگە سالا كەتەيىك، 4 قاڭتاردا «مايقايىڭالتىن» كەن بايىتۋ فابريكاسىنا قاراستى شاحتا اۋماعىنداعى كولىك جولى وپىرىلىپ كەتىپ، 4 ادام وتىرعان اۆتوبۋس شىڭىراۋعا قۇلاعان بولاتىن. وپات بولعان ەكى قۇتقارۋشىنىڭ دەنەسى سىرتقا شىعارىلدى.